09:37, 22 - قىركۇيەك 2016 | GMT +5
شاعىن قۇرىلعىعا ارنالعان 1 تەرابايت جادى كارتاسى شىعارىلدى
استانا. قازاقپارات - SanDisk كومپانياسى كوپتەگەن كومپيۋتەردىڭ جيناقتاۋشى كولەمىنەن اسىپ تۇسەتىن SDXC جادى كارتاسىن جاسادى.
رەكوردتى كارتا 1 تەرابايتقا دەيىنگى اقپارات سىيدىرا الادى. ونى فوتوكامەراعا سالعاننان كەيىن، سۋرەتتەردى تازالاپ، بوس ورىن قالدىرۋ ماسەلەسىن ۇمىتۋعا بولادى.
وكىنىشكە قاراي، ول ازىرگە كوممەرتسيالىق ءونىم ەمەس، تەلنۇسقا (پروتوتيپ) عانا. سول سەبەپتى، كارتا قۇنى ءالى بەلگىلەنبەگەن. SanDisk كولەمى 512 گ ب SDXC- جيناقتاۋشىسىن 800 دوللارعا ساتۋدا، سوندىقتان، تەرابايتتىق جاڭا ءونىم شامامەن 1500 دوللار بولۋى مۇمكىن.
العاشقى SD- كارتانى SanDisk 16 جىل بۇرىن شىعارعان، ونىڭ سىيىمدىلىعى 64 م ب بولعان.
