15:20, 19 - قىركۇيەك 2016 | GMT +5
قازاق كينوسى قورىنداعى 1 مىڭنان استام تۋىندى ساندىق فورماتتا بولادى
استانا. قازاقپارات - قورداعى قازاق كينوسىنىڭ مول مۇراسى ساندىق فورماتقا اۋىستىرىلادى.
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا قازاقستان كينەماتوگرافيستەرى وداعىنىڭ تەڭ ءتوراعاسى احات ىبرايەۆ ءمالىم ەتتى.
«بۇگىندە بىزدە الماتىدا ورتالىق مۇراعات بار. مەملەكەتتىك كينوفيلم قورىن دامىتۋداعى ءبىزدىڭ تۇجىرىمدامادا قازاق كينوسىنىڭ اۋقىمدى كولەمىندەگى توپتاماسىن ساندىق فورماتقا كوشىرۋدى تالقىلاپ جاتىرمىز. اتاپ ايتقاندا، قازىرگى كەزدە بۇل قورداعى تۋىندىلاردىڭ ءبىر بولىگى ساندىق نۇسقادا بولسا، قالعاندارى تاسپادا ساقتاۋلى. سوندىقتان بۇل شارالار مول مۇراعا قولجەتىمدى بولۋى ءۇشىن جانە مۇراعاتتاۋ جۇمىستارىن ساپالى تۇردە قامتاماسىز ەتۋ ءۇشىن كەرەك»، - دەدى ول.
ونىڭ سوزىنە قاراعاندا، 1 مىڭنان استام فيلمدى ساندىق فورماتقا كوشىرۋ جوسپارلانىپ وتىر. ولاردىڭ اراسىندا دەرەكتى حرونيكا دا قامتىلۋدا.
