استانادا قوبىزشىلاردىڭ 1- حالىقارالىق بايقاۋى وتۋدە - فوتو
بايقاۋعا سولتۇستىك امەريكا، ەۋروپا جانە ازيا مەملەكەتتەرىنەن قاتىسۋشىلار كەلگەن.
«ىشەكتى اسپاپتار ىشىندە قوبىز كۇيشىلەرىنىڭ اراسىنداعى بايقاۋ الەمدە العاش رەت بولايىن دەپ جاتىر. وعان امەريكا، ازيا، ەۋروپا قۇرلىقتارىنىڭ 30-دان استام ەلدەرىنەن ونەرپازدار كەلىپ وتىر»، - دەيدى بايقاۋ ۇيىمداستىرۋشىسى، تىلەپ اسپانتاي ۇلىنىڭ ۇرپاعى ساپار ىسقاقوۆ.
- مۇنداعى ءبىزدىڭ ماقساتىمىز قازاقتىڭ قارا قوبىزىن ۇلكەن دۇنيەجۇزىلىك دارەجەگە، دەڭگەيگە كوتەرۋ، سول ارقىلى قازاقتىڭ مادەنيەتىن كوتەرۋ، ونى دۇنيەجۇزىنە تانىستىرۋ، تۇپتەپ كەلگەندە قازاقتى تانىستىرۋ. ويتكەنى قوبىز مۋزىكالىق اسپاپ رەتىندە 2 مىڭ جىل بۇرىن دۇنيەگە كەلگەن. موڭعوليادا، التايدىڭ بايراۋىنان 6 - عاسىردا بولعان قوبىز تابىلدى. ونى مەن ءوز كوزىممەن ۇلان باتىردا مۋزەيدەن كوردىم. ەگەر ونى 6 - عاسىردا ءبىزدىڭ اتا- بابالارىمىز ويناعان بولسا، ونىڭ تاريحى 2 مىڭ جىلدان اسىپ جىعىلادى دەگەن ءسوز. ونىڭ بەرجاعىندا، قازاقتىڭ التايىندا بەرەل جەرىنەن جاۋىنگەر تابىلدى، ونىڭ ءبىر جاعىندا سەمسەر، ءبىر جاعىندا قوبىز جاتىر. سول ۋاقىتتا ءبىزدىڭ بابالارىمىز جاۋىنگەر بولعان، ءبىراق قارۋمەن قاتار قوبىزدى دا ۇستاعان. سوعان قاراعاندا، تۇركىلەر، قىپشاقتار، قازاقتار قوبىزدى قاتتى سىيلاعان. ءبىر ۋاقىتتار بولدى، قوبىز وتە تومەن دارەجەگە ءتۇسىپ قالدى. ەندى قۇدايعا شۇكىر، قوبىزىمىز بارلىق ەلدەرگە تانىمال بولىپ جاتىر. ەندى ءبىز ونى ودان ءارى تانىتۋىمىز كەرەك».
ايتا كەتۋ كەرەك، قازىلار القاسىنىڭ قاتارىندا قازاقستاننان ايمان مۇساقوجايەۆا، ەدىل قۇسايىنوۆ، قىرعىزستاننان سالامات سىزدىقوۆا بار، سونىمەن قاتار ۇلى بريتانيادان، قىرىمنان، وڭتۇستىك كورەيادان قىتايدان قازىلار كەلىپ وتىر.
اۆتور: جاسۇلان جولدىبايەۆ 
