اتىراۋ وبلىسىندا وقۋشىلاردىڭ ىستىق تاعامى ءۇشىن 1 ميلليارد تەڭگە ءبولىندى

اتىراۋ. قازاقپارات - اتىراۋ وبلىسىندا 1-4 - سىنىپ وقۋشىلارىنىڭ ىستىق تاعامى ءۇشىن 1 ميلليارد تەڭگە ءبولىندى.

 «بيىل از قامتىلعان جانۇيالاردىڭ بالالارى عانا ەمەس، 1-4 - سىنىپتا وقيتىن  48145 وقۋشى ىستىق تاماقپەن قامتاماسىز ەتىلەدى. بۇل ءۇشىن قاراجات ءبولىندى. 35 ءبىلىم بەرۋ مەكەمەسىندە كۇردەلى جوندەۋ جۇمىستارىن جۇرگىزۋگە شامامەن ەكى ميلليارد تەڭگە باعىتتالدى. وبلىستىڭ 192 مەكتەبىن جوندەۋ ءۇشىن قارجى ءبولىندى»، - دەپ حابارلادى وبلىس اكىمى نۇرلان نوعايەۆ وبلىستىڭ قۇرمانعازى اۋدانى سۇيىندىك اۋىلىنىڭ تۇرعىندارىمەن كەزدەسۋى بارىسىندا.