الماتىداعى «الماتى - 1» ۆوكزالى قورشاۋعا الىندى
جەلىدە ۆوكزالداعى ءورت تۋرالى جانە جارىلعىش زاتتىڭ بولۋى مۇمكىن دەگەن حابارلاما تاراپ كەتتى.
توتەنشە جاعداي دەپارتامەنتى ءورت تۋرالى اقپاراتتى جوققا شىعاردى. جارىلعىش زات تۋرالى رەسمي مالىمدەمە ءالى جاسالعان جوق.
ايتا كەتەيىك، بۇگىن الماتىنىڭ بىرنەشە اۋدانىندا بەلگىسىز بىرەۋلەر وق جاۋدىردى - قازىر الماتىداعى ۇلتتىق قاۋىپسىزدىك كوميتەتى دەپارتامەنتىنىڭ عيماراتى، ابىلايحان كوشەسى تولىعىمەن، اباي داڭعىلى قورشاۋعا الىندى.
كۋاگەرلەردىڭ ايتۋىنشا، پوليتسيا قىزمەتكەرلەرى مەن بەلگىسىز بىرەۋلەردىڭ اراسىندا قارۋلى قاقتىعىس بولعان. الدىن الا دەرەكتەر بويىنشا، پوليتسيا اراسىندا جاراقات العاندار بار. قالالىق ءى ءى د الماتى قالاسى اۋماعىندا تەرروريزمگە قارسى وپەراتسيا جۇرگىزۋ تۋرالى جاريالادى.
بۇگىن، 18 -شىلدە كۇنى، استانا ۋاقىتىمەن 12:20 دا الماتى قالاسىنىڭ اۋماعىندا تەرروريستىك قاۋىپتىلىكتىڭ قىزىل دەڭگەيى بەلگىلەندى، دەپ حابارلادى قالالىق ءى ءى د باسپا ءسوز قىزمەتى.
«وسىعان بايلانىستى، قالا تۇرعىندارى مەن قوناقتارىن اتالعان دەڭگەيدە قاراستىرىلعان تالاپتاردى ساقتاۋعا شاقىرامىز»، - دەلىنگەن حابارلامادا.
