جەمقورلىق بولماسا، قازاقستان 1 جىلدا الەۋمەتتىك نىساندارمەن تولىق قامتاماسىز ەتىلەر ەدى - اليك شپەكبايەۆ

استانا. قازاقپارات - جەمقورلىق بولماسا، قازاقستاندا 1 جىلدا 628 مەكتەپ پەن 1256 بالاباقشا سالىنار ەدى.

بۇل تۋرالى بۇگىن ق ر سىبايلاس جەمقورلىققا قارسى ءىس-قيمىل ۇلتتىق بيۋروسى ءتوراعاسىنىڭ ورىنباسارى اليك شپەكبايەۆ ءمالىم ەتتى.

«مەملەكەتتىك سەكتورداعى جەمقورلىق جىل سايىن الەمدىك ەكونوميكادان پارا تۇرىندە 1,5-2 تريلليون دوللار تىسقا شىعارادى. بۇل شامامەن ج ءى ءو- نىڭ 2 پايىزى. ەگەر قازاقستانعا كەلەتىن بولساق، ج ءى ءو- نىڭ 2 پايىزى 1 تريلليون 250 ميلليارد تەڭگەگە سايكەس كەلەدى. وسى قاراجاتقا ءبىز 1 جىلدا 628 مەكتەپ پەن 1256 بالاباقشا سالا الامىز. 1 جىلدىڭ ىشىندە ءبىز الەۋمەتتىك نىساندارمەن تولىق قامتاماسىز ەتىلەر ەدىك»، - دەدى ول بۇگىن ق ر «اتامەكەن» ۇ ك پ وتىرىسىندا.

ونىڭ سوزىنە قاراعاندا، قازىرگى ۋاقىتتا جەمقورلىقتى تۇبەگەيلى جويا بىلگەن ەش مەملەكەت جوق، الايدا ونىڭ دەڭگەيىن مەيلىنشە تومەن تۇسىرگەن ەلدەر بار. دامىعان جانە باي مەملەكەتتەردە ەليتارلىق جەمقورلىق باسىم بولسا، قازاقستان سەكىلدى دامۋشى مەملەكەتتەردە ول تۇرمىستىق، بۇقارالىق سيپاتقا يە.

 اۆتور: جاسۇلان جولدىبايەۆ