قازاقستاندا كۇن سايىن 1 مىڭنان استام ءسابي دۇنيەگە كەلەدى

استانا. قازاقپارات - قازاقستاندا تاۋەلسىزدىك جىلدارى دياگنوستيكالاۋ مەن نارەستەنىڭ بويىنداعى پاتولوگيالاردى ەرتە كەزەڭدە انىقتاۋدىڭ زاماناۋي تاسىلدەرىن قولدانۋ ناتيجەسىندە ءسابي ءولىمى 1991-جىلى 1000 ءتىرى تۋىلعاندارعا شاققاندا 27,4 تەن 2015-جىلى 9,39 كە دەيىن، ياعني 3 ەسەگە تومەندەدى.

بۇل تۋرالى ق ر دەنساۋلىق ساقاۋ جانە الەۋمەتتىك دامۋ مينيسترلىگىنەن حابارلاندى.

«رەسپۋبليكادا كۇن سايىن 1 مىڭنان استام، جىل سايىن 400 مىڭنان اسا ءسابي دۇنيەگە كەلەدى. تۋۋ كورسەتكىشى سوڭعى 5 جىلدا 3 پايىزعا ءوستى. ەلىمىزدە ءسابي ءولىمىن ازايتۋعا باعىتتالعان شارالاردىڭ ناتيجەسىندە سالماعى 500 گرام جانە ودان اساتىن شالا تۋعان بالالار ءومىر سۇرۋگە مۇمكىندىك الدى. 5 جىلدا سالماعى 1500 گرامعا دەيىنگى ساناتتاعى بالالاردىڭ تىرشىلىككە قابىلەتتىلىگى 30 پايىزعا ءوسىپ، 60 پايىزعا جۋىق كورسەتكىشتى قۇراپ وتىر»، - دەلىنگەن ۆەدومستۆو مالىمەتىندە.

ەلىمىزدىڭ بارلىق وڭىرلەرىندە ءتيىمدى پەريناتالدى كومەكتى ەنگىزۋ بويىنشا وقىتۋ ورتالىقتارى جۇمىس ىستەۋدە. پەريناتالدى كومەك كورسەتۋدە بىرەگەي تاسىلدەردى قولدانۋدى قامتاماسىز ەتۋ ماقساتىندا 300 دەن استام ەمحانالىق حاتتامالار حالىقارالىق ستاندارتتارعا سايكەستەندىرىلىپ، بەكىتىلدى، سونىمەن بىرگە مەديتسينالىق قىزمەتكەرلەر وقىتىلىپ، مەديتسينالىق ج و و- دا وقۋ جانە جۇمىس باعدارلامالارى وزگەرتىلدى.

اۆتور: رۋسلان عابباسوۆ