11:33, 02 - مامىر 2016 | GMT +5
قاراعاندىدا 1 - مامىر مەرەكەسى: بىرلىك پەن كەلىسىمىمىز بەرىك - فوتو
قاراعاندى. قازاقپارات - قاراعاندى قالاسىندا قازاقستان حالقى بىرلىگى كۇنىندە «دوستىق شاڭىراعى» اتتى 21 - وبلىستىق ۇلتتىق مادەنيەتتەر فەستيۆالى بولىپ ءوتتى.
ورتالىق ساياباقتىڭ جاعالاۋىندا وتكەن مەرەكە «گۇلدەنە بەر، قازاقستانىم!» اتتى تەاترلاندىرىلعان كورىنىستەن باستالدى. ودان كەيىن فەستيۆال باعدارلاماسىندا ايماقتىڭ ەتنومادەني ورتالىقتارى ءوز شىعارماشىلىعىن كورسەتتى.
«بۇگىنگى مەرەكە تاۋەلسىزدىكتىڭ 25 جىلىنداعى بىرلىك، ءوزارا تۇسىنىستىك جانە باۋىرلاستىقتى كورسەتىپ وتىر»، - دەدى قاراعاندىلىقتى قۇتتىقتاۋ سوزىندە وبلىس اكىمى نۇرمۇحامبەت ابدىبەكوۆ.
ايماق باسشىسى ءبىرقاتار قوعام قايراتكەرلەرىنە قازاقستان حالقى اسسامبلەياسىنىڭ ناگرادالارىن تابىستادى. بۇدان باسقا، قالىپتاسقان ءداستۇر بويىنشا ەتنومادەني بىرلەستىكتەر ءوز دامۋىنا 700 مىڭ تەڭگە كولەمىندە گرانتتار الدى.
