قىتايلىق تۋريستەر 1- شىلدەدەن باستاپ قازاقستانعا اعىلا باستايدى
بۇل تۋرالى قازاقستاننىڭ ينۆەستيتسيا جانە دامۋ مينيسترلىگىنىڭ باسپا ءسوز قىزمەتىنە سىلتەمە جاساپ «قازتاگ» حابارلايدى.
«قىتاي تاراپى 2016-جىلدىڭ 1- شىلدەسىن قازاقستاندا قىتاي تۋريستىك توپتارىنىڭ توپتىق ساياحاتتارىن ۇيىمداستىرۋدىڭ رەسمي باستالعان كۇنى دەپ بەلگىلەۋدى ۇسىندى. قازاقستانعا ءبىرىنشى قىتاي تۋريستىك توپتارى قىتايدىڭ شىنجاڭ-ۇيعىر اۆتونوميالىق ولكەسى ارقىلى كەلۋدى جوسپارلاپ وتىر»، - دەلىنگەن دۇيسەنبىدەگى حاباردا.
بۇگىنگى تاڭدا قىتاي جاعى قازاقستانعا قىتاي تۋريستىك توپتارىن جاساقتايتىن جاۋاپتى قىتاي تۋروپەراتورلارىنىڭ ءتىزىمىن جىبەردى.
سونداي-اق، 2016-جىلدىڭ 20- مامىرىندا قازاقستاننىڭ قىتايداعى ەلشىلىگى ق ر ي د م، «استانا ەكسپو-2017» ۇ ك» ا ق جانە قازاقستان مەن قىتايدىڭ ءىرى تۋريستىك وپەراتورلارى وكىلدەرىنىڭ قاتىسۋىمەن روۋد-شوۋ ۇيىمداستىرۋدى جوسپارلاپ وتىر.
«كەزدەسۋدىڭ تاقىرىبى - قازاقستاننىڭ تۋريستىك جانە ينۆەستيتسيالىق تارتىمدىلىعى، مەموراندۋم اياسىندا قازاقستانعا قىتاي تۋريستىك توپتارىنىڭ ساياحاتىن ۇيىمداستىرۋ، قىتاي تۋريستەرىنىڭ ەكسپو-2017 كورمەسىنە قاتىسۋى جانە «قىتايدىڭ قازاقستانداعى تۋريزم جىلىن» وتكىزۋ»، - دەلىنگەن باسپا ءسوز پاراقشاسىندا.
