استانا ساياباعى 1- مامىردان باستاپ اشىلادى

استانا. قازاقپارات - بيىل ەلوردا پاركىندە قالا تۇرعىندارى مەن قوناقتارىن كوپتەگەن توسىن سىي كۇتەدى.

1- مامىردان باستاپ اتتراكتسيوندار، اشىق باسەيندەر، ءبي الاڭدارى جانە ت. ب. ىسكە قوسىلادى. بۇل تۋرالى ەلوردانىڭ رەسمي سايتى حابارلادى.

قازىرگى كەزدە ءبي الاڭدارى مەن بار جاسالعان اشىق باسسەيندەر كەشەندەرىنىڭ اۋماقتارىن اباتتاندىرۋ جۇمىستارى اياقتالۋدا. ساياباقتى قالپىنا كەلتىرۋ كەزىندە باستى اللەيا مەن «ۋاقىت وزەنى» سۋبۇرقاعى، «ساعات» ستەلاسى، سۋ پەردەلى ۇڭگىرلەر، «كۇن كوزى» كومپوزيتسياسى، وليمپيادا چەمپيوندارى الاڭىن جاساۋ قاراستىرىلعان، سونداي-اق، پاركتە سۋ ارناسى مەن جاعالاۋ، ءۇش تاس كوپىر، سارقىراماسى بار كورۋ الاڭى جانە سەرپىندى سۋ بۇرقاقتار كەشەنى بولادى.

دەمالىس ورنىنداعى توعان ساقتالدى، رەكونسترۋكتسيا كەزىندە ونىڭ اۋماعى ۇلعايتىلدى.

ساياباق جاڭا اتتراكتسيوندارمەن تولىقتى، اتاپ ايتقاندا، Merry go round جانە Сircus swing اتكەنشەكتەرى، بالالارعا ارنالعان Aladin jet 6 ميني-دجەت، Balloon wheel شاعىن كورۋ دوڭگەلەگى، Wonder Flight كوڭىلدى اتتراكتسيونى جانە ەكسترەمالدى Flying School.

پارك سالاۋاتتى ءومىر سالتىن ۇستاناتىن ادامداردىڭ دا سۇيىكتى ورنىنا اينالدى. ونىڭ اۋماعىندا ەرەسەكتەر مەن بالالارعا ارنالعان جاتتىعۋ زالدار ورناتىلعان، بۇل سپورتپەن شۇعىلدانۋعا مۇمكىندىك بەرەدى.