مينيستر ساعاديەۆ وقۋ جىلىن 1 -شىلدەگە دەيىن ۇزارتۋ ماسەلەسىنە قاتىستى پىكىر ءبىلدىردى
«بۇل مىندەتتى تۇردە قاجەت بولادى. ەگەر ءبىز بەس كۇندىك وقۋ اپتاسىن ەنگىزسەك، وقۋشى تاعى 36 كۇن دەمالادى. ولار وسى 36 كۇندى قالاي دا وقۋ كەرەك. سوندىقتان دا وقۋ جىلىن ۇزارتامىز. قازىرگى كەزدە ءبىرىنشى سىنىپ وقۋشىلارى 1 -ماۋسىمعا دەيىن وقيدى دەپ جوسپارلانىپ وتىر. جىل سايىن وقۋ جىلى ۇزارا تۇسەدى، جوعارعى سىنىپ وقۋشىلارى ماۋسىمنىڭ ورتاسىنا دەيىن وقيدى. ارى قاراي وقۋ جۇكتەمەسىنە بايلانىستى شەشىم قابىلدايمىز»، - دەدى ساعادييەۆ.
«مۇنىڭ بارلىعى جاڭا وقۋ باعدارلاماسىمەن دە بايلانىستى»، - دەدى مينيستر. ونىڭ ايتۋىنشا، جاڭا باعدارلامانى ەنگىزۋ بەس كۇندىك وقۋ اپتاسىنا وتۋگە ماجبۇرلەيدى.
«ءبىز بالالاردىڭ ءبىلىمدى ءارى باسەكەگە قابىلەتتى بولعانىن قالايمىز. ادام جىل وتكەن سايىن كوبىرەك جۇمىس ىستەپ، كوبىرەك وقي تۇسەتىنىن بىلەمىز. ادامنىڭ كوپ كولەمدەگى اقپاراتتى ەستە ساقتاۋى ءۇشىن وزگەرىس ەنگىزەمىز. سايكەسىنشە، باعدارلاما دا وزگەرتىلىپ، بەس كۇندىك وقۋ اپتاسىنا كوشەمىز. وقۋ جىلى دا سايكەسىنشە ەكى- ەكى جارىم اپتاعا ۇزارتىلادى»، - دەدى ول.
ەسكە سالا كەتەيىك، بۇعان دەيىن پرەمەر- ءمينيستردىڭ ورىنباسارى داريعا نازاربايەۆا جازعى دەمالىستىڭ 1 -شىلدەدەن باستالۋىن دۇرىس دەپ ەسەپتەيتىنىن مالىمدەگەن بولاتىن.
