ساۋد ارابياسىندا بيىكتىگى 1 كيلومەتر بولاتىن عيمارات سالىنىپ جاتىر
بۇل تۋرالى The Telegraph حابارلادى.
ساۋد ارابياسىنىڭ اتالمىش جوباعا سالعان ينۆەستيتسياسىنىڭ كولەمى 1,2 ميلليارد دوللاردى قۇرايدى. بۇگىندە «حانشايىم مۇناراسى» اتالىپ كەتكەن عيمارات بولاشاقتا الەمدەگى ەڭ بيىك مۇنارا بولادى دەپ كۇتىلۋدە.
«بۋردج ءال ماملياكي» عيماراتىنىڭ قۇرىلىسى 2020 - جىلى اياقتالادى دەپ كۇتىلۋدە. ونىڭ جالپى كولەمى 245 مىڭ شارشى مەتر بولادى جانە 200 قاباتتان تۇرادى.
بۇگىنگى تاڭدا الەمدە ودان ۇلكەن جوبا جوق. 2012 - جىلى جوبانىڭ قۇرىلىسى باستالىپ، 2013 - جىلى قۇرىلىس جۇمىستارى بەلسەندى جۇرگىزىلە باستادى. قازىرگى تاڭدا ونىڭ 20 قاباتى سالىنىپ ءبىتتى.
مۇنارا ونىڭ اينالاسىنا سالىنعالى وتىرعان «كورول ورتالىعى» اۋدانىنداعى تۋريستەر ەڭ كوپ قاتىنايتىن ورىن بولادى دەگەن جوسپار بار.
بۇگىنگى تاڭدا الەمدەگى ەڭ بيىك عيمارات دۋبايداعى «بۋردج- حاليفا» بولىپ تابىلادى. ونىڭ بيىكتىگى 828 مەتر جانە وندا 163 قابات ورنالاسقان. مۇنارا 2004-2010 - جىلدار ارالىعىندا سالىنىپ ءبىتتى. ونىڭ قۇرىلىسىنا 1,5 ميلليارد دوللار جۇمسالعان.
