15:40, 23 - قاراشا 2015 | GMT +5
كەلەر جىلدىڭ 1 -اقپانىنا دەيىن «سامۇرىق- قازىنا» ۇلتتىق كومپانياسى شەتەلدەگى ءوز وكىلدىكتەرىن جابادى
استانا. قازاقپارات - 2016 -جىلدىڭ 1 -اقپانىنا دەيىن «سامۇرىق- قازىنانىڭ» بارلىق ەنشىلەس كومپانيالارى شەتەلدەگى ءوز وكىلدىكتەرىن جابادى.
بۇل تۋرالى بۇگىن ق ر ۇكىمەتىنىڭ سەلەكتورلىق رەجىمدەگى وتىرىسى بارىسىندا «سامۇرىق- قازىنا» ۇ ءا ق باسقارماسىنىڭ ءتوراعاسى ءومىرزاق شوكەيەۆ ءمالىم ەتتى.
«وكىلدىكتەر بويىنشا ءبىز بارلىق ەنشىلەس كومپانيالار وزدەرىنىڭ شەتەلدەگى وكىلدىكتەرىن 1 -اقپانعا دەيىن جابادى دەپ ۋاعدالاستىق»، - دەدى ءو. شوكەيەۆ.
قور باسشىسىنىڭ اتاپ وتۋىنشە، بارلىق كومپانيالارعا ورتاق ماسكەۋدە، لوندوندا جانە بەيجىڭدە عانا وكىلدىكتەر قالادى.
«دەمەۋشىلىككە قاتىستى ايتار بولسام، ءبىز كەڭەس وتكىزدىك. بىزدىڭشە، كوتەرگەن باستامالارىمىز 2016 -جىلدىڭ 1 -قاڭتارىنان پايدالانۋعا دايىن بولادى»، - دەپ قوستى ول.
اۆتور: مارلان جيەمباي
