تۋىسقاندارىمەن ەرەگىسكەن اۆستريا تۇرعىنى 1 ميلليون ەۋرونى كەسكىلەپ تاستاعان
85 جاستاعى ايەلدىڭ بۇل ارەكەتى ونىڭ قارتتار ۇيىندە كوز جۇمعانىنان كەيىن عانا بەلگىلى بولدى.
زەينەتكەر جالپى سوماسى 950 مىڭ ەۋرو بولاتىن بانكنوتتاردى كەسىپ تاستاعان. بانكيرلەردىڭ ايتۋىنشا، بۇل مۇرانى قارت ايەلدىڭ تۋىسقاندارى الا الادى، تەك ولار كەسىلگەن اقشانىڭ قيىندىلارىن تاپسىرۋى ءتيىس. ەندى زەينەتكەردىڭ تۋىستارى كەسىلگەن بانكنوتتاردىڭ قيىندىلارىن ىزدەپ ءجۇر.
پروكۋرور ەريح حابيتسلدىڭ ايتۋىنشا، كەسكىلەنگەن بانكنوتتار تابىلعان. سونداي- اق ول اقشا قارت ايەلدىڭ وزىنە تيەسىلى بولعاندىقتان، ونىڭ بۇل ارەكەتى زاڭعا قايشى كەلمەيتىندىگىن ايتتى. «سوندىقتان بۇل وقيعاعا قاتىستى ەشقانداي تەرگەۋ امالدارى جۇرگىزىلمەيدى»، - دەدى ول.
اۆستريا ۇلتتىق بانكىنىڭ قىزمەتكەرى فريدريح حاممەرسشميدت مۇراگەرلەر كەسىلگەن كۋپيۋرانىڭ قيىندىلارىن تاۋىپ، ول بانكنوتتاردىڭ شىنىمەن دە بولعانى انىقتالسا، وندا ولاردى ايىرباستاپ بەرۋگە بولاتىنىن ايتتى.
