20:04, 03 - قاراشا 2015 | GMT +5
قازاقستان پرەزيدەنتى د. كەمەروندى 1 - دارەجەلى «دوستىق» وردەنىمەن ماراپاتتادى
استانا. قازاقپارات - مەملەكەت باسشىسى نۇرسۇلتان نازاربايەۆ رەسمي ساپارى اياسىندا لوندوندا ۇلى بريتانيا پرەمەر- ءمينيسترى د. كەمەرونمەن كەزدەستى.
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا قازاقستان مەن بريتانيا ىنتىماقتاستىعىنىڭ نەگىزگى باعىتتارى تالقىلاندى.
نۇرسۇلتان نازاربايەۆ د. كەمەروننىڭ 2013 -جىلى قازاقستانعا جاساعان ساپارى ەكىجاقتى قارىم- قاتىناستارعا تىڭ سەرپىن بەرگەنىن ايتتى. ەلباسى سونداي- اق كەلىسسوزدەر بارىسىندا قازاقستان ۇكىمەتىنىڭ مۇشەلەرى بريتان تاراپىمەن ماڭىزدى ۋاعدالاستىقتارعا قول جەتكىزگەنىن اتاپ ءوتتى.
سونىمەن قاتار قازاقستان پرەزيدەنتى ۇلى بريتانيا پرەمەر- ءمينيسترىن سوڭعى وتكەن پارلامەنتتىك سايلاۋداعى ايقىن جەڭىسىمەن جانە جاڭا ۇكىمەت قۇرامىن جاساقتاۋىمەن قۇتتىقتادى.
