09:48, 29 - قازان 2015 | GMT +5
قۇنى 1 ميلليارد دوللارلىق اسكەر ماقساتتاعى ءديريجابلدى توقتاتۋ ازىرگە مۇمكىن بولماي وتىر
استانا. قازاقپارات - ديريجابل بەكىتىلگەن جەرىنەن اعىتىلىپ، مەريلەند (ا ق ش) شتاتىنان پەنسيلۆانيا (ا ق ش) شتاتىنا قاراي ۇشىپ كەتتى، دەپ حابارلادى CNN تەلەكومپانياسى.
ۇشۋ اپپاراتىنا جاقىندايتىن كولىكتى بايقاي الاتىن قۇرىلعى ورناتىلعان.
ديريجابلدى توقتاتۋ ءۇشىن نيۋ-دجەرسيدەگى اسكەري بازادان ەكى F-16 جويعىشى اتتاندى. سونداي-اق، ونىڭ جىلجۋىن ا ق ش فەدەرالدى اۆياتسيالىق ورتالىعى مەن سولتۇستىك امەريكانىڭ اەروعارىش قورعانىسىنىڭ بىرلەسىپ باسقارۋ جۇيەسىنىڭ رادارلارى باقىلاۋدا.
تەلەكومپانيا حابارلاعانداي، ۇزىندىعى شامامەن 70 مەترگە جەتەتىن باقىلاۋسىز نىسان اۋدانىنداعى بارلىق اۋەجايلار قىزمەت كورسەتۋدىڭ ەرەكشە تارتىبىنە كوشۋى مۇمكىن.
ب ا ق مالىمەتتەرىنە قاراعاندا، ديريجابلدىڭ قۇرىلعىلارىمەن قوسقانداعى قۇنى شامامەن 1 ميلليارد دوللاردى قۇرايدى.
