الەمدىك بايلىقتىڭ جارتىسى جەردىڭ 1 پايىز حالقىنىڭ قولىندا
بۇل تۋرالى «ۆەستي ەكونوميكي» باسىلىمى جازعانداي، شۆەيتساريالىق Credit Suisse بانكى زەرتتەۋ ورتالىعىنىڭ جاڭا بايانداماسىنان بەلگىلى بولىپ وتىر.
بيىلعى جىلدىڭ ەسەبىندە الەم حالقىنىڭ %50 حالقى ورتاشا العاندا نەبارى 3 مىڭ 210 دوللارعا عانا يە بولىپ وتىر. ەگەر سىزدە 68800 دوللار بولسا، «توپتاعىلاردىڭ» 10 پايىزى قاتارىنا كىرەسىز، ال حالىقتىڭ نەبارى %1- ىن قۇرايتىن ەڭ باي ادامداردىڭ ورتاشا ەسەپپەن 759 مىڭ 900 دوللاردان قارجىسى بار.
قۇجاتتا ورتا تاپ مالىمەتتەرىنە كوڭىل بولىنگەن. ەسەپتە اتاپ وتىگەندەي، الەمنىڭ ەرەسەك حالقىنىڭ 14 پايىزى ورتا تاپقا جاتادى، ولاردىڭ اكتيۆتەرى 50000 - 500000 دوللارعا باعالانىپ وتىر.
2015 - جىلدىڭ باسىندا بريتاندىق Oxfam قايىرىمدىلىق ۇيىمىنىڭ تالداماشىلارى كەلەسى جىلدىڭ سوڭىنا قاراي الەم حالقىنىڭ 1 پايىزىنىڭ قالعان 99 پايىز حالىقتان داۋلەتى كوبىرەك بولاتىنىن ەسكەرتكەن بولاتىن. الايدا شۆەيساريالىق بانك ەسەبىنەن بايقالىپ وتىرعانداي، بۇل كورسەتكىشكە وتكەن جىلدىڭ وزىندە قول جەتكىزىلدى - سول كەزدە داۆوستا الەمدىك ەكونوميكا كوشباسشىلارى كەزەكتى كەزدەسۋىندە تەڭسىزدىك دەڭگەيىن قىسقارتۋعا ۋادە بەرگەن بولاتىن، دەپ حابارلادى newsru.com.
