12:44, 11 - قىركۇيەك 2015 | GMT +6
قازاقستان ازاماتى دۋبايدا لوتەرەيادان $1 ميلليون ۇتتى
استانا. قازاقپارات - قازاقستاندا ميلليونەرلەردىڭ قاتارى ءبىر ادامعا تولىقتى. جەرلەسىمىز ومار ساماليكوۆ Dubai Duty Free ساۋدا دۇكەنى وتكىزەتىن لوتەرەيادا ۇتتى.
باستاپقىدا دۋبايدا بۇل ءبىر رەتتىك قانا ۇتىس رەتىندە وتكىزىلمەك بولعان. الايدا ول كوپشىلىككە ۇناپ، ويىندى ۇنەمى وتكىزۋ شەشىمى قابىلداندى، دەپ جازدى «ەكسپرەسس ك».
وتكەن 15 -جىلدا مۇندا ۇلىبريتانيا، ءب ا ءا جانە فيليپپين ازاماتتارى ولجاعا كەنەلگەن. ال بۇل كورسەتكىش بويىنشا ۇندىلىكتەر كوش باستاپ تۇر. بۇل ەلدىڭ 17 ازاماتىنىڭ باعى جانىپ، ۇتىسقا قول جەتكىزدى.
جۋىردا قازاقستاندىق ومار ساماليكوۆتىڭ دا جۇلدىزى وڭىنان تۋدى. ول لوتەرەيانىڭ 198- تيراجىنىڭ جەڭىمپازى اتاندى. 0, 5, 2 جانە 9 ساندارى ارقىلى قوماقتى قارجىعا يە بولدى.