الماتىدا ستۋدەنتتەر مەن زەينەتكەرلەرگە جول ءجۇرۋ كارتاسى 1 - جەلتوقسانعا دەيىن تەگىن تاراتىلادى
بۇل تۋرالى بۇگىن «الماتى ترانسپورت حولدينگى» كومپانياسىنىڭ اكتسيونەرى يلفات ابدۋرامانوۆ ايتتى.
«وسىنداي قيىن ساتتەردە الەۋمەتتىك تۇرعىدان از قامتىلعان جانداردى قولداۋ تۋرالى ءسىزدىڭ (الماتى قالاسىنىڭ اكىمى ب. بايبەككە قاراتىپ ايتقان سوزىندە، - رەد. ) ۇسىنىسىڭىزدى قابىل الدىق. ستۋدەنتتەر، زەينەتكەرلەر، مۇگەدەك جاندار، مەكتەپ وقۋشىلارى ارنايى كارتانى 1 - جەلتوقسانعا دەيىن تەگىن الادى. وندا يەسىنىڭ سۋرەتى، ول تۋرالى اقپارات جازىلادى. ال، ودان كەيىن كارتا قۇنى 320 تەڭگە بولادى. ونىڭ بالانسىندا 80 تەڭگە بولادى. ءبىزدىڭ ويىمىزشا، 1- جەلتوقسانعا دەيىن ادامداردىڭ 90 پايىزى اتالعان كارتانى ساتىپ الادى»، - دەدى ي. ابدۋرامانوۆ.
ايتا كەتۋ كەرەك، 1 - قازاننان باستاپ، اقشا تولەۋ جۇيەسىندە وزگەرىستەر پايدا بولادى. ياعني، جولاۋشىلار 1 - قازاننان باستاپ «وڭاي» جول كارتاسىن ساتىپ الۋى ءتيىس. 3 اي بويى تەكسەرۋشىلەر ارنايى تەرمينال ارقىلى جولاۋشىلار اراسىندا بيلەت ساتاتىن بولادى. ءۇش ايدان سوڭ باقىلاۋشىلار تەك تەكسەرۋگە كوشەدى. ياعني، جاڭا جۇيە 1 - قاڭتاردان باستاپ تولىق ىسكە قوسىلادى.
اۆتور: گۇلميرا عوسمانالي