قازاقستاندىقتار 1- قاڭتاردان باستاپ ساپالى دارىلەردى تومەن باعامەن ساتىپ الاتىن بولادى
ە ا ە و ەلدەرى اۋماعىندا تەك GMP ستاندارتتارىنا (دارىلىك زاتتاردىڭ ساپاسى، قاۋىپسىزدىگى مەن تيىمدىلىگىن راستايتىن «التىن ستاندارت» ) ساي كەلەتىن مەديتسينالىق پرەپاراتتار تاراتىلادى. بۇل قازاقستاندىقتارعا ە ا ە و ەلدەرى وندىرۋشىلەرى اراسىنداعى باسەكەلەستىكتىڭ ەسەبىنەن ءتيىمدى دارىلىك زاتتاردى تومەن باعامەن الۋ مۇمكىندىگىن بەرەدى.
دارىلىك زاتتار مەن مەديتسينالىق ونىمدەر ەۋرازيالىق ەكونوميكالىق وداق اۋماعىندا ەۋروپالىق وداق قاعيدالارى مەن تاسىلدەرى نەگىزىندە جاسالعان ءبىرىڭعاي ەرەجەلەردىڭ تىركەۋ تارتىپتەرىنەن وتكەننەن كەيىن ەركىن اينالىمدا بولادى. سونداي- اق، دارىلىك زاتتاردى، مەديتسينالىق قولدانىلۋلاردى تاڭبالاۋ، اينالىمدى قاداعالاۋ مەن مەملەكەتتىك باقىلاۋدى جۇزەگە اسىرۋ بارىسىندا مەملەكەتتىك ءتىلدى قولدانۋ بويىنشا ۇلتتىق تالاپتار ساقتالاتىن بولادى.
قازاقستاندا دارىلىك زاتتار مەن مەديتسينالىق ماقساتتاعى بۇيىمداردىڭ جانە مەديتسينالىق تەحنيكانىڭ قاۋىپسىزدىگى، تيىمدىلىگى مەن ساپاسىن قامتاماسىز ەتۋدىڭ نەگىزگى مىندەتتەرى ق ر د س ا د م دارىلىك زاتتار، مەديتسينالىق ماقساتتاعى بۇيىمداردى جانە مەديتسينالىق تەحنيكانى ۇلتتىق ساراپتاۋ ورتالىعىنا جۇكتەلگەن.
بيىل د ز ۇ س و سىناق ورتالىعى ەۋروپا كەڭەسىنىڭ دارىلىك زاتتاردىڭ ساپاسىن باقىلاۋ ەۋروپالىق ديرەكتوراتىندا (EDQM) اككرەديتاتسيادان وتەدى. وعان مۇشە بولۋ د ز ۇ س و- دا جاسالاتىن سىناقتاردىڭ ناتيجەسىنىڭ حالىقارالىق دەڭگەيدە مويىندالۋىن جانە دارىلىك زاتتاردى سىناقتان وتكىزۋ ماسەلەلەرى بويىنشا ەۋروپا ەلدەرىمەن تاجىريبە الماسۋدى قامتاماسىز ەتەدى.
دارىلىك زاتتار مەن مەديتسينالىق ماقساتتاعى بۇيىمداردىڭ جانە مەديتسينالىق تەحنيكانىڭ اينالىمىن ءوزارا ينسپەكتسيالاۋدى مويىنداۋ ماقساتىندا ە ا ە و- نىڭ بارلىق ەلدەرى PIC/S قۇرامىنا كىرۋى كەرەك. PIC/S - فارماتسيەۆتيكالىق ينسپەكتسيا بويىنشا كونۆەنتسيا مەن فارماتسيەۆتيكالىق ينسپەكتسيالار ىنتىماقتاستىق جۇيەسى - GMP سالاسىنداعى ءوزارا بەلسەندى جانە قۇرىلىمدىق ىنتىماقتاستىقتى قامتاماسىز ەتەتىن ەلدەردىڭ فارماتسيەۆتيكالىق سەكتورلارىن رەتتەۋشى ورگاندار اراسىنداعى ەكى حالىقارالىق كەلىسىم بولىپ تابىلادى. قازاقستان مەن بەلارۋس PIC/S قۇرامىنا ەنۋ ءۇشىن ءوتىنىش ءبىلدىردى.
ەستەرىڭىزگە سالا كەتەيىك، 2014 - جىلدىڭ 29 - مامىرىندا ورتاق قىزمەتتەر، تاۋارلار نارىعى، كاپيتال مەن وداققا مۇشە مەملەكەتتەردىڭ جۇمىس كۇشىن جاساقتاۋ قاراستىرىلعان ەۋرازيالىق ەكونوميكالىق وداق تۋرالى كەلىسىمگە قول قويىلدى. دارىلىك زاتتار مەن مەديتسينالىق ماقساتتاعى بۇيىمداردىڭ ءبىرىڭعاي قاعيدالارى مەن تارتىپتەرى تۋرالى كەلىسىمگە 2014 - جىلدىڭ 23 - قاڭتارىندا قول قويىلدى.
