الماتىدا بيزنەسمەندى ۇرلاپ، 1 ميلليون دوللار بوپسالاماق بولعاندار ۇستالدى - فوتو

الماتى. قازاقپارات - الماتى پوليتسەيلەرى بيزنەسمەندى ۇرلاپ، ونىڭ وتباسىنان 1 ميلليون دوللار بوپسالاماق بولعانداردى ءىزىن سۋىتپاي ۇستادى. بۇل تۋرالى قالالىق ءى ءى د باسپا ءسوز قىزمەتى حابارلادى.
None
None

 اكىمشىلىك پوليتسيانىڭ ارنايى باتالونىنىڭ ەكيپاجى ءبىر باعىتتاعى جەلتوقسان كوشەسىنەن جول ەرەجەسىن ورەسكەل بۇزىپ، قاراما- قارسى باعىتتا كەتىپ بارا جاتقان «تويوتا كامري» كولىگىن توقتاتقان.

 «ءبىزدىڭ «توقتا» دەگەن بۇيرىعىمىزدى قاپەرىنە دە ىلمەگەن جۇرگىزۋشى پۋشكين كوشەسىنىڭ بويىنداعى ۇيلەردىڭ اۋلاسىنا قاشىپ تىعىلعان. كولىكتەگى ەكى جولاۋشى قاشىپ كەتتى. جۇرگىزۋشى كورسەتكەن قارسىلىعىنا قاراماستان، سول جەردە ۇستالدى» ، - دەدى ءى ءى د ارنايى باتالون پولكىنىڭ ينسپەكتورى ەلدوس ءابدىراحىموۆ.

 كولىك سالونىن تەكسەرە كەلە، پوليتسەيلەر كوكالا قويداي بولىپ سابالعان ەر ادامدى الىپ شىققان. كەيىن بەلگىلى بولعانداي، ول كىسى بيزنەسمەن ەكەن. ونى جاڭاعى ءۇش ادام ۇرلاپ كەتىپ، وتباسىنان 1 ميلليون دوللار تالاپ ەتپەك بولعان.

 مەديتسينا قىزمەتكەرلەرى جاپا شەگۋشىگە دەر كەزىندە كومەك كورسەتتى.

 قازىر قىلمىس جاساعان تۇلعالاردىڭ كىم ەكەندىگى انىقتالدى. قاشىپ كەتكەن ەكى كۇدىكتىگە ىزدەۋ جاريالاندى. كولىكتەن سونداي- اق بەتپەردە، جالعان مەملەكەتتىك تىركەۋ نومىرلەرى، تراۆماتيكالىق تاپانشا تابىلدى.

45 جاستاعى كولىك جۇرگىزۋشىسىنىڭ بۇرىن دا بىرنەشە رەت الاياقتىق، اقشا بوپسالاۋ، ەسىرتكى قىلمىسى ءۇشىن قىلمىستىق جاۋاپكەرشىلىككە تارتىلعانى انىقتالدى. ەندى ول ادام ۇرلاعانى ءارى بيلىك وكىلىنە قول كوتەرگەنى ءۇشىن زاڭ الدىندا جاۋاپ بەرەتىن بولادى.

2

3

4

5

6

سوڭعى جاڭالىقتار