استانادا 1- تامىزدان باستاپ «مەكتەپكە جول» قايىرىمدىلىق اكسياسى وتەدى
بۇل تۋرالى استانا اكىمدىگىنىڭ رەسمي سايتىندا حابارلادى.
اعىمداعى جىلى، اكسيا «بالالارعا بىرگە كومەك بەرەيىك!» ۇرانىمەن وتكىزىلۋدە.
اكسيا ماقساتى - از قامتىلعان جانە كوپ بالالى وتباسىلار، جەتىم بالالار مەن اتا-اناسىنىڭ قامقورلىعىنسىز قالعان بالالار ىشىنەن وقۋشىلارعا جاڭا وقۋ جىلىنا دايىندىق كەزەڭىندە جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىن الدىن الۋ ءۇشىن كومەك كورسەتۋ، قولۇشىن سوزۋ.
ءىس-شارالارعا استانا قالاسىنىڭ اكىمدىگى، استانا قالاسىنىڭ ءبىلىم باسقارماسى، دەنساۋلىق ساقتاۋ باسقارماسى، جۇمىسپەن قامتۋ جانە الەۋمەتتىك باعدارلامالار باسقارماسى، جاستار ساياساتى جونىندەگى باسقارماسى، قوعامدىق بىرلىستىكتەر، ىشكى ىستەر باسقارماسىنىڭ قىزمەتكەرلەرى، ۇكىمەتتىك ەمەس ۇيىمداردىڭ وكىلدەرى، اتا-انالار قوعامداستىقتارى جانە تاعى باسقا ۇيىمدار ات سالىسادى.
اكسيانىڭ بارىسىندا تومەندەگى ءىس-شارالاردىڭ وتكىزىلۋى جوسپارلانۋدا:
- ءبىرىنشى سىنىپ وقۋشىلارىن قۇرمەتتەۋدى ۇيىمداستىرۋ («ءبىرىنشى سىنىپقا ءبىرىنشى رەت»، «ءبىرىنشى سىنىپ وقۋشىلارىنا سىيلىق» جانە ت. ب.)، الەۋمەتتىك قورعالماعان وتباسىلارىنىڭ ءبىرىنشى سىنىپقا باراتىن بالالارىنا قايىرىمدىلىق ءىس-شارا؛
- از قامتىلعان وتباسىلارعا كومەك كورسەتۋ ءۇشىن ءىرى ساۋدا ۇيلەرىندە مەكتەپكە قاجەتتى زاتتاردى، وقۋ قۇرالدارىن قابىلداۋعا ارنالعان كونتەينەرلەر ورناتۋ بويىنشا «مەيىرىمدى قولدار» اكسياسى؛
- «وتباسىنان وتباسىنا» قولداۋ: «بالانى مەكتەپكە دايىندايمىز»، «بالالارعا مەيىرىم سىيلا» قايىرىمدىلىق اكسيالارى؛
- اعىمداعى جىلدىڭ 22- جانە 23- تامىز كۇندەرى مەكتەپ جارمەڭكەسى ۇيىمداستىرۋ كوزدەلىپ وتىر.
دالەلسىز سەبەپتەر بويىنشا مەكتەپكە بارماي جۇرگەن بالالاردى انىقتاۋ ماقساتىندا رەيدتىك ءىس-شارالار ۇيىمداستىرىلادى.
قالا الاڭدارىمەن باستى كوشەلەرىنە اكسيانىڭ لوگوتيپى مەن جەدەل جەلى تەلەفوندارىنىڭ نومىرلەرى بەينەلەنگەن باننەرلەر مەن بيلبوردتتار ورناتىلادى، ۇيىمدار مەن مەكەمەلەرگە، اۆتوبۋس ايالدامالارىنا، بازارلارعا، ساۋدا ورتالىقتارىنا اكسيانىڭ لوگوتيپى مەن «جەدەل جەلى» تەلەفوندارىنىڭ نومىرلەرى بەينەلەنگەن پلاكاتتار ورنالاستىرىلادى.
7, 52, 76№ مەكتەپتەردە (14.08, 21.08, 28.08, 3.09) بالانى مەكتەپكە ورنالاستىرۋ بويىنشا مامانداردىڭ كەڭەسى جانە زاڭگەرلىك كومەك كورسەتىلەدى.
