ۇرلانعان تۋفليدى 1 ميلليون دوللارعا قايتارىپ العىسى كەلەدى

استانا. قازاقپارات - 10 جىل بۇرىن قولدى بولعان قىزىل تۋفليدىڭ قايدا ەكەنىن ايتقان ادامعا 1 ميلليون دوللار سىياقى بەرىلەدى.

ءدال سول تۋفليدى كيىپ 1939 - جىلى دجۋدي گارلاند «ءوز ەلىنىڭ سيقىرشىسى» فيلمىنە تۇسكەن ەكەن.

تۋفليدىڭ قوس سىڭارىن 2005 - جىلى ميننەسوتا شتاتىنداعى (ا ق ش) گراند- راپيدس قالاسىندا ورنالاسقان گارلاند مۋزەيىنەن بىرەۋ ۇرلاپ كەتكەن. ءوزىنىڭ ەسىمىن قۇپيا ۇستاپ وتىرعان ادام وسى تۋفليدى ىزدەپ تابۋعا كىم كومەكتەسسە، سوعان 1 ميلليون دوللار بەرەتىنىن ايتىپ وتىر، دەپ جازادى شەتەلدىك ب ا ق.

اتالعان فيلمگە دجۋدي گارلەند كەزەكپەن ءۇش ءتۇرلى تۋفلي كيىپ تۇسكەن ەكەن. سونىڭ ءبىرى سميتسون ينستيتۋتىنىڭ كوللەكسياسىندا ساقتاۋلى.