ق ر قارۋلى كۇشتەرىندە ت م د ەلدەرىنىڭ 1- اسكەري-سپورتتىق ويىندارىنا ارنالعان ۇزدىك اسكەري قىزمەتشىلەردى ىرىكتەۋدە - فوتو
ونىڭ قورىتىندىسى بويىنشا اسكەريلەندىرىلگەن كوپسايىستا، وفيتسەرلىك ءۇشسايىستا، تابەلدىك قارۋدان اتۋدا، ارميالىق قويان- قولتىق ۇرىستا جانە كومانديرلەر جارىسى مەن گىر ەكىسايىسىندا ەڭ مىقتى ارميالىق سپورتشىلار انىقتالاتىن بولادى.
بۇل تۋرالى ق ر قورعانىس مينيسترلىگنىڭ باسپا ءسوز قىزمەتىنەن حابارلادى.
سايىس الماتىدا قۇرلىق اسكەرلەرى اسكەري ينستيتۋتىنىڭ بازاسىندا ءوتىپ جاتىر. قاتىسۋشىلار بارىنشا تىرىسىپ باعۋدا، سەبەبى، جەڭىمپازداردى ەرەكشە مارتەبە، ياعني قازاقستان قارۋلى كۇشتەرىن ت م د قاتىسۋشى مەملەكەتتەر دوستاستىق ارمياسىنىڭ العاشقى اسكەري-سپورتتىق ويىندارىندا تانىتۋ مۇمكىندىگى بەرىلەدى.
حالىقارالىق جارىس اعىمداعى جىلعى شىلدەنىڭ 24 ى مەن تامىزدىڭ 5 ى ارالىعىندا ماسكەۋدە وتەدى. بۇدان بۇرىن 70- باس اسسامبلەيا جانە كۋۆەيتتەگى ارميالىق سپورتتىڭ بۇكىل الەمدىك كەڭەسى كونگرەسىندە رەسەي تاراپىمەن كەلىسسوزدەر جۇرگىزۋ بارىسىندا ق ر ق م ا و س ك وكىلدەرى ءبىزدىڭ 70 ارميالىق سپورتشىنىڭ جارىسقا قاتىساتىنى تۋرالى نيەت ءبىلدىردى.
