21:50, 28 - مامىر 2015 | GMT +6
ەلوردادا 1 - ماۋسىمدا مەكتەپ جاسىنا دەيىنگى بالالاردى وقىتۋ باستالادى
استانا. قازاقپارات - 1 - ماۋسىمنان باستاپ ەلوردادا «بالدىرعاندار مەكتەبى» ءوز جۇمىسىن باستايدى. ونىڭ باستى ماقساتى - مەكتەپ جاسىنا دەيىنگى بالالاردى مەكتەپتەگى وقۋعا دايىنداۋ.
استانا قالاسى ءبىلىم باسقارماسىنىڭ حابارلاۋىنشا، مۇنداي مەكتەپتەر بالالاردىڭ وقۋعا دەگەن ىنتاسىن ارتتىرۋعا باعىتتالىپ، قالانىڭ بارلىق مەكتەپتەرىندە قۇرىلادى. وسىنداي ساباقتار بالالاردىڭ مەكتەپتەگى ساباق جاعدايىنا قيىندىقسىز بەيىمدەلۋىنە كومەكتەسەدى.
«بالدىرعاندار مەكتەبى» دۇيسەنبىدەن جۇماعا دەيىن جۇمىس ىستەيدى. ساباقتىڭ ۇزاقتىعى 25-30 مينۋت. توپتاعى بالالار سانى 15-20. ساباقتار 10 كۇنگە جالعاسادى.
«بالدىرعاندار مەكتەبىندە» باستاۋىش سىنىپ مۇعالىمدەرىنەن باسقا ماماندار: پسيحولوگ جانە لوگوپەد قىزمەت اتقارادى. ولار پسيحولوگيالىق جانە لوگوپەدتىك دياگونوستيكا ارقىلى ءار وقۋشىنىڭ مەكتەپكە دايىندىق دەڭگەيىن انىقتايدى. دياگنوستيكا ناتيجەلەرى بويىنشا اتا- انالار مەن مۇعالىمدەر ءۇشىن جەكە ۇسىنىستار جاسالادى، دەپ حابارلايدى astana.kz.