تەررورلىق ۇيىم «يسلام مەملەكەتى» سودىرلارىنىڭ 1 جىلدا يادرولىق قارۋعا قول جەتكىزۋ قاۋپى بار
دەپ جازادى ر ي ا نوۆوستي «Independent» گازەتىنە سىلتەمە جاساي وتىرىپ.
«ي م» سودىرلارى جاپپاي قىرىپ جوياتىن قارۋدى پايدالانا الاتىندىعى جايلى ماتەريال راديكالداردىڭ «Dabiq» جۋرنالىندا جارىققا شىقتى.
«ي م» بانك شوتىندا بىرنەشە ميلليارد دوللار بار. ولار پاكىستانداعى پاراقور شەنەۋنىكتەر ارقىلى يادرولىق قارۋ ساتىپ الۋعا قاۋقارلى»، دەلىنگەن تۇتقىنداعى بريتانيالىق جۋرناليست دجون كەنتليدىڭ «The Perfect Storm» جۋرنالىنداعى ماقالاسىندا.
كەنتليدىڭ سوزىنە قاراعاندا، يسلاميستەر «وتكەندە جاسالعان لاڭكەستىك ارەكەتتەرىنەن الدەقايدا اۋىر تيەتىن جانە اۋقىمدى لاڭكەستىك ءىس- ارەكەتتى جۇزەگە اسىرماق.
ايتا كەتۋ كەرەك، راديكالدار ءوزىنىڭ ناسيحات جۇمىسىندا دجون كەنتليدى ءجيى پايدالانادى. سودىرلار جەلىگە كەنتليدىڭ بىرنەشە ۆيدەو مالىمدەمەسىن جاريالاعان. سولاردىڭ بىرىندە سيريالىق وپپوزيتسياعا كورسەتىپ جاتقان ا ق ش كومەگىنىڭ ناتيجەسىز ەكەنى ايتىلعان.
«يسلام مەملەكەتى» لاڭكەستىك ۇيىمى 2014 - جىلى سيريا مەن يراكتا جاۋلاپ العان اۋماقتاردا «حاليفات» جاريالادى. سودىرلاردىڭ قاتىگەز ارەكەتىنەن مىڭداعان بەيبىت تۇرعىن قازا تاپتى، ءجۇز مىڭداعان ادام بوسقىنعا اينالسا، مىڭداعان ادام تۇتقىندا وتىر.
