18:42, 22 - مامىر 2015 | GMT +5
وتكەن جىلى قازاقستان ترانزيتتىك تاسىمالداۋدان 1 ميلليارد دوللاردان استام پايدا كوردى - ا. مامين
استانا. قازاقپارات - 2014 - جىلى قازاقستان ترانزيتتىك تاسىمالداۋدان 1 ميلليارد دوللاردان استام پايدا كوردى. بۇل تۋرالى بۇگىن استانا ەكونوميكالىق فورۋمىندا «قازاقستان تەمىر جولى» ۇ ك» ا ق پرەزيدەنتى اسقار مامين ءمالىم ەتتى.
«2014 - جىلى قازاقستاننىڭ كولىكتىك دالىزدەرى ارقىلى 18 ميلليون توننا جۇك تاسىمالداندى. ونىڭ ىشىندە تەمىرجول ارقىلى - 16,1 ميلليون توننا، اۆتوموبيل - 1,5 ميلليون توننا، اقتاۋ تەڭىز پورتى ارقىلى - 100 مىڭ توننا. ترانزيتتەن تۇسكەن پايدا - 1 ميلليارد ا ق ش دوللارىنان اسادى. اتالعان مۇمكىندىكتەردى ەسكەرە وتىرىپ، ءبىز 2020 - جىلعا قاراي شىعىس پەن باتىس اراسىنداعى ترانزيتتىك جۇك تاسىمالىن ەكى ەسەگە دەيىن ارتتىرۋدى كوزدەپ وتىرمىز. قارقىندى دامۋ مەن قىتايدىڭ باتىس جانە ورتالىق پروۆينتسيالارىنان ەكسپورتتىڭ ارتۋى ءبىزدىڭ ماقساتىمىزعا قول جەتكىزۋگە سەپتىگىن تيگىزەدى دەپ سانايمىز»، - دەدى ا. مامين.
اۆتور: جاسۇلان جولدىبايەۆ
