10:25, 22 - مامىر 2015 | GMT +5
اقمولا وبلىسىندا 1 مىڭعا جۋىق كيىكتىڭ قىرىلىپ قالعانى انىقتالدى
كوكشەتاۋ. قازاقپارات - اقمولا وبلىسىندا ءبىر مىڭعا جۋىق كيىكتىڭ قىرىلىپ قالعانى انىقتالدى.
بۇل تۋرالى ايماقتىق ت ج د باسپا ءسوز قىزمەتىنەن حابارلادى.
جابايى جانۋارلاردىڭ ولەكسەلەرى قوستاناي وبلىسىمەن شەكارالاس جارقايىڭ اۋدانىنىڭ قۇمسۋات سەلولىق وكرۋگى جانە جاقسى اۋدانىنىڭ تەرىساققان سەلولىق وكرۋگى اۋماعىنان تابىلدى.
قازىرگى كەزدە وسى اۋماقتا اتالعان اۋدانداردىڭ جەدەل توبىنان قۇرىلعان كوميسسيا جۇمىس ىستەپ، قىرىلىپ قالعان كيىكتەردىڭ سانىن انىقتاۋدا.
سونىمەن قاتار جاقسى اۋداندىق ۆەتەرينارلىق-سانيتارلىق قىزمەتى جانۋارلاردىڭ جاپپاي قىرىلۋ سەبەپتەرىن انىقتاۋ ماقساتىندا ەپيزووتيالىق زەرتتەۋ جۇرگىزۋدە.
اۆتور: اسلان وسپانوۆ
