جەڭىسكە دەيىن 1 كۇن: كەڭەس ۇكىمەتى گەرمانيانى قارسىلىقسىز تىزە بۇكتىردى
بەرليندىك شابۋىل وپەراتسياسى. 16- ساۋىردەن 8- مامىر ارالىعىندا جالعاسقان بەرلين شابۋىلى اياقتالدى. 1- جانە 2- بەلارۋس، 1- ۋكرايندىق مايدان اسكەرلەرى پولشالىق قۇرامالارمەن بىرلەسىپ جاۋ اسكەرىن تالقانداپ، بەرلين قالاسىن يەلەندى. ودان ءارى ۇرىستى جالعاستىرا وتىرىپ، ولار امەريكالىق جانە اعىلشىن اسكەرلەرىنە قوسىلىپ، ەلباعا شىقتى.
وپەراتسيا ۇزاقتىعى - 23 تاۋلىك. جاۋىنگەرلىك ءىس-قيمىل - 300 شاقىرىم. كەڭەس اسكەرىنىڭ جىلجۋ تەرەڭدىگى - 100-220 شاقىرىم. شابۋىلدىڭ ورتاشا تاۋلىكتىك قارقىنى - 5-10 شاقىرىم. وپەرتسيا باستالاردا اسكەر سانى - 1906200 ادام، قايتارىمسىز شىعىن - 78291 (4,1 پايىز)، سانيتارلىق شىعىندار - 274184، بارلىعى - 352475، ورتاشا تاۋلىكتىك - 15325.
پراگا وپەراتسياسى (1945). 8- مامىردا 1- ۋكرايندىق مايدانى وڭ قاناتىنىڭ اسكەرى چەحوسلاۆاكيا رەسپۋبليكاسىنىڭ اۋماعىنا شىقتى. 4- گۆارديالىق تانكى اسكەرى 35 شاقىرىمعا دەيىن العا جىلجىپ، موست قالاسىن ازات ەتتى. ي. پ. ەرماكوۆتىڭ 5- گۆارديالىق مەحكورپۋسى يارومەرج مەن جاتەتس اراسىندا «ورتالىق» اسكەرى توبىنىڭ شتاب كولونناسىن تالقان ەتتى. 3- گۆارديالىق تانكى اسكەرىنىڭ وزىق جاساعى تاڭەرتەڭگى ساعات 7 دە تاۋ بەتكەيىنە جەتتى. ە. ە. بەلوۆتىڭ 10- گۆارديالىق تانكى كورپۋسى تەپليتسە قالاسىنا باسىپ كىردى. 5- جانە 3- گۆارديالىق اسكەر 3- گۆارديالىق تانكى اسكەرىمەن ءوزارا بىرلەسىپ درەزدەن قالاسىن يەلەنىپ، ليبشتادت - كەنيگشتەين جەلىسىنە شىقتى. «ورتالىق» اسكەرى مەن مايداننىڭ سول قاناتى جاۋدىڭ ىزىنە تۇسە وتىرىپ، سۋدەت شەگىنە شىقتى.
كەڭەس اقپاراتتىق بيۋروسى حابارلاعانداي، 8- مامىر ىشىندە 3- بەلارۋس مايدانىنىڭ اسكەرى فريش-نەرۋنگتى جاۋدان تازالاي وتىرىپ، نويە ۆەلت جانە فوگەلزانگ ەلدى مەكەندەرىن باسىپ الدى...
1- ۋكرايندىق مايدان اسكەرى ەكى كۇندىك ۇرىستان كەيىن قارسىلاستى تويتارا وتىرىپ، درەزدەن قالاسىن يەلەندى، درەزدەن وڭتۇستىگىندەگى چەحوسلاۆاكيالىق شەكاراعا ءوتىپ، موست، دۋحتسوۆ، تەپليتسە-شانوۆ قالالارىن باسىپ الدى.
4- ۋكرايندىق مايدان اسكەرى شابۋىلدى جالعاستىرا وتىرىپ، كەسكىلەسكەن ايقاسپەن قالانى جانە ءىرى تەمىر جول جەلىسى ولوموۋتستى باسىپ الدى...
2- ۋكرايندىق مايداننىڭ اسكەرى 8- مامىردا چەحوسلاۆاكيادا يارومەرجيتسە، زنويمو قالالارىن يەلەندى...
1945-جىلعى 8- مامىر. بەرلين تۇبىندەگى كارلحورستتا 22 ساعات 43 مينۋتتا گەرمانيانى تىزە بۇكتىرۋ اكتىسىنە قول قويىلدى.
8- مامىردا ساعات ورتالىق ەۋروپا ۋاقىتى بويىنشا 22. 43 تە بەرليندىك كارلحورست تۇبەگىندە بۇرىنعى اسكەري-ينجەنەرلىك ۋچيليشە اسحاناسى عيماراتىندا گەرمانيانى قارسىلىقسىز تىزە بۇكتىرۋ تۋرالى تاعى ءبىر اكتىگە قول قويىلدى. كارلحروست اكتىسى 8- مامىردا 23:01 مينۋتتا سوعىستىڭ توقتاتىلعان ۋاقىتىن راستادى.
سوڭعى جاعداي 8- مامىرداعى اكتىنى قانداي دا ءبىر پراكتيكالىق ماننەن ايىرعانىن اتاپ وتكەن ءجون، سەبەبى) بۇل اكتى تالاپ ەتكەن بارلىق بۇيرىقتار 7- مامىردا نەمىس قولباسشىلىعىنا بەرىلگەن جانە ب) ەگەر ولار بەرىلمەگەن جاعدايدا تىزە بۇكتىرۋ اكتىسى كۇشىنە ەنۋىنە 17 مينۋت قالعاندا، ونى ءتيىستى ورىنعا دەيىن جەتكىزۋ فيزيكالىق جاعىنان مۇمكىن بولمادى.
گەرمان تاراپىنان اكتىگە گەنەرال-فەلدمارشال بەرماحتتىڭ جوعارى باس قولباسشىلىعىنىڭ باستىعى ۆيلگەلم كەيتەل، ليۋفتۆاففە وكىلى - گەنەرال-پولكوۆنيك شتۋمپف جانە كريگسمارينە قول قويدى. قارسىلىقسىز تىزە بۇكتىرۋ اكتىسىنە مارشال جۋكوۆ (كەڭەس تاراپىنان) پەن وداق ەكسپەديتسيالىق كۇش باس قولباسشىلىعىنىڭ ورىنباسارى مارشال تەددەر (ۇلى بريتانيا) قول قويدى.
تىزە بۇكتىرۋدى قابىلداعان كەڭەس وداعى گەرمانيامەن بەيبىت كەلىسىمگە كەلگەن جوق، فورمالدىق تۇردە سوعىس جاعدايىندا قالدى. سوعىستى توقتاتۋ تۋرالى جارلىق ك س ر و جوعارعى كەڭەسى پرەزيديۋمىنىڭ 1955-جىلعى 25- قاڭتاردا عانا قابىلداندى.
جەڭىسكە 1 كۇن قالدى...
