استانالىقتار ءۇشىن 1 -مامىردا بۇقارالىق سەرۋەندەر ۇيىمداستىرىلادى

استانا. قازاقپارات - استانا قالاسى مادەنيەت باسقارماسىنىڭ حابارلاۋىنشا، 1 -مامىردا قالادا ءتۇرلى دەڭگەيدەگى 200 استام شارا، سونىڭ ىشىندە 35 ءىرى مادەني شارا وتپەك.

قازاقستان حالقىنىڭ بىرلىگى كۇنى اياسىندا ەلوردادا «بايتەرەك» مونۋمەنتى، «ستۋدەنتتىك»، «عاشىقتار» ساياباقتارىندا، قالالىق اكىمدىك الدىنداعى الاڭدا، ەسىل وزەنىنىڭ جاعالاۋىندا جانە «جاستار» سارايىنىڭ الدىندا حالىقتىق سەرۋەندەر ۇيىمداستىرىلادى.

ايماقتىق ەتنومادەني بىرلەستىكتەر دە وزدەرىنىڭ شىعارماشىلىق ونەرلەرىن ورتاعا سالادى. قازاقستان حالقىنىڭ بىرلىگى كۇنىنە ارنالعان باستى مەرەكەلىك شارالار قاتارىنان ءۇش الاڭدا (قالالىق اكىمدىكتىڭ الدىنداعى الاڭدا، عاشىقتار ساياباعىندا جانە «بايتەرەك» مونۋمەنتىنىڭ جانىندا) LED- مونيتورلار ارقىلى كورسەتىلەدى.

سونىمەن قاتار 1 -مامىر كۇنى قالا تۇرعىندارى ءۇشىن ق. قۋانىشبايەۆ اتىنداعى قازاق مۋزىكالىق دراما تەاترىندا ساعات 18:30 جانە م. گوركي اتىنداعى ورىس دراما تەاترىندا ساعات 18:00 دا «جۇبايلار جۇمباعى» مەن «حانۋما» اتتى ساحنالىق قويىلىمدار كورسەتىلەدى.

ءساۋىردىڭ 30 ىنان باستاپ مامىردىڭ 4 ىنە دەيىن ساعات 10:00-18:00 ارالىعىندا س. سەيفۋللين اتىنداعى مۇراجايدا «بەرەكە باسى -  دوستىق» اتتى كورمە مەن 2015 -جىلدىڭ 15 -مامىرىندا كونگرەسس- حولدا استانا قالاسى اكىمدىگىنىڭ فيلارمونياسى ساعات 19:00 دە «شالقىما» ءبي انسامبلىنىڭ «دوستىق پوەزياسى» اتتى كونسەرتىن ۇيىمداستىرادى.

1 -مامىر كۇنى كونسەرتتىك باعدارلاما ساعات 11:00-23:00 ارالىعىندا ءوتىپ، وتشاشۋمەن اياقتالادى.

اتاپ ايتقاندا، تۇنگى وتشاشۋ ەسىل وزەنىنىڭ جاعالاۋىندا، «حان شاتىر» س و و اۋماعىندا، «ارمان» دۇكەنىنىڭ ماڭىنداعى «جاس باتىر» ستاديونىندا Music hall مەيرامحاناسىنىڭ جانىندا جانە ابىلاي حان داڭعىلى مەن پۋشكين كوشەسىنىڭ قيىلىسىنداعى گۇلزاردا اتىلادى.

www.24.kz