ەلوردادا 1- مامىر كۇنى باستى مەرەكەلىك شارالار «قازاق ەلى» مونۋمەنتىنىڭ الدىنداعى الاڭدا وتەدى
دەپ حابارلادى استانا قالاسىنىڭ رەسمي سايتى.
ساعات 10:00-23:00 ارالىعىندا «بايتەرەك» مونۋمەنتىنىڭ الدىندا، استانا قالاسى اكىمدىگىنىڭ الدىنداعى الاڭدا، «ستۋدەنتتىك» ساياباقتا، سونىمەن قاتار ساعات 10:00-19:00 ارالىعىندا «جاستار» تەاترىنىڭ اۋماعىندا (بۇرىنعى ك. بايسەيىتوۆا اتىنداعى وپەرا جانە بالەت تەاترى)، «جاستار ساياباعىندا» جانە م. وتەمىس ۇلى اتىنداعى وقۋشىلار سارايىنىڭ جانىندا ەسىل وزەنىنىڭ جاعالاۋىندا مەرەكەلىك شارالار وتەدى.
قازاقستان حالقىنىڭ بىرلىگى كۇنىنە ارنالعان باستى مەرەكەلىك شارالار ءۇش بىردەي الاڭدا (قالالىق اكىمدىكتىڭ الدىنداعى الاڭدا، عاشىقتار ساياباعىندا جانە «بايتەرەك» مونۋمەنتىنىڭ جانىندا) LED- مونيتورلار ارقىلى كورسەتىلەدى.
سونىمەن قاتار، 1 - مامىر كۇنى قالا تۇرعىندارى ءۇشىن ق. قۋانىشبايەۆ اتىنداعى قازاق مۋزىكالىق دراما تەاترىندا ساعات 18:30 جانە م. گوركي اتىنداعى ورىس دراما تەاترىندا ساعات 18:00 «جۇبايلار جۇمباعى» مەن «حانۋما» اتتى ساحنالىق قويىلىمدار وتەدى.
ءساۋىردىڭ 30 نان باستاپ مامىردىڭ 4- نە دەيىن ساعات 10:00-18:00 ارالىعىندا س. سەيفۋللين اتىنداعى مۇراجايدا «بەرەكە باسى - دوستىق» اتتى كورمە مەن 2015 - جىلدىڭ 15 - مامىرىندا كونگرەسس- حوللدا استانا قالاسى اكىمدىگىنىڭ فيلارمونياسى ساعات 19:00 «شالقىما» بي ءانسامبلىنىڭ «دوستىق پوەزياسى» اتتى كونسەرتىن ۇيىمداستىرادى.
