12:08, 28 - ناۋرىز 2015 | GMT +6
بۇگىن الەمنىڭ مىڭداعان كورنەكتى جەرىندە 1 ساعات بويى جارىق سوندىرىلمەك
استانا. قازاقپارات - الەمنىڭ تۇكپىر- تۇكپىرىندەگى ەلدەر بۇگىن عالامشار ەنەرگياسىن ۇنەمدەۋگە ءوز ۇلەسىن قوسپاق.
جەر جاھاننىڭ 172 مەملەكەتىندەگى 7 مىڭنان استام قالاسىندا جەرگىلىكتى ۋاقىت بويىنشا كەشكى ساعات 20:30 دا جارىق سوندىرىلەدى. دۇنيەجۇزىلىك WWF تابيعات قورىنىڭ باستاماسىمەن بيىل الەمدەگى 1 مىڭ 200 دەن استام كورىكتى جەردە 1 ساعات بويى جارىق بولمايدى.
عالامدىق شاراعا وراي ءتۇرلى فلەشموبتار ۇيىمداستىرىلادى. كليماتتىڭ جاھاندىق وزگەرۋ ماسەلەسىنە الەم جۇرتشىلىعىنىڭ نازارىن اۋدارىپ، تابيعي رەسۋرستاردى ۇنەمدەۋگە شاقىراتىن «جەر ساعاتى» اكسياسىنا كەز كەلگەن ادام قاتىسا الادى. ول ءۇشىن ۇيىڭىزدەگى نەمەسە كەڭسەدەگى جارىقتى سوندىرسەڭىز بولعانى.
www.24.kz
