پرەزيدەنتتىككە ۇمىتكەر رەتىندە تاعى 1 ايەل تىركەلدى

None
None
استانا. قازاقپارات - ق ر پرەزيدەنتتىگىنە ۇمىتكەر رەتىندە تاعى ءبىر ايەل تىركەلدى، ول ايگۇل وتەپوۆا، دەپ ءمالىم ەتتى وسك ءتوراعاسىنىڭ ورىنباسارى ۆلاديمير فوسس.

«پرەزيدەنتتىككە ۇسىنىلعانداردىڭ اراسىندا 2 ايەل بار. ليمانا قويشيەۆا قول قويۋ پاراقتارىن الدى. ەكىنشىسى ۋاقىتشا جۇمىسسىز شىمكەنتتىك ايگۇل وتەپوۆا»، - دەدى ۆ. فووس.

ونىڭ ايتۋىنشا، ا. وتەپوۆا الداعى ۋاقىتتا ق ر پرەزيدەنتتىگىنە ۇمىتكەرلەر مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسياعا سىناق تاپسىرادى.

ايتا كەتەيىك، 6 - ناۋرىزدا قازاقستان رەسپۋبليكاسى ورتالىق سايلاۋ كوميسسياسىندا قازاقستان رەسپۋبليكاسىنىڭ پرەزيدەنتتىگىنە كانديدات ليمانا قويشيەۆا مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسياعا سىناق تاپسىرعان ەدى. كوميسسيا اشىق داۋىس بەرۋ ارقىلى كوپشىلىك داۋىسپەن قازاقستان رەسپۋبليكاسىنىڭ پرەزيدەنتتىگىنە كانديدات ليمانا قويشيەۆانىڭ مەملەكەتتىك ءتىلدى ەركىن مەڭگەرگەنى تۋرالى شەشىم قابىلداعان- دى.

جالپى، بۇگىنگى كۇنى پرەزيدەنتتىككە كانديداتتار سانى 21 ادامعا جەتتى. ونىڭ سەگىزى ناقتى سەبەپتەرمەن تىركەلگەن جوق.

اۆتور: مارلان جيەمباي

سوڭعى جاڭالىقتار