قازاقستان ميلليونەرلەرى 1 ميلليون شارشى مەتر تۇرعىن ءۇي سالىپ بەرۋدى جوسپارلاۋدا

استانا. قازاقپارات - قازاقستاننىڭ ەڭ باي ادامدارى تىزىمىنە ەنگەن كاسىپكەر، ەۋرازيالىق توپتىڭ ديرەكتورلار كەڭەسىنىڭ ءتوراعاسى الەكساندر ماشكيەۆيچ ەلدە بۇرىن- سوڭدى بولماعان تۇرعىن ءۇي باعدارلاماسىن قولعا الىناتىندىعىن ءمالىم ەتتى.

 «ەۋرازيالىق توپ سوڭعى 5 جىلدا قازاقستاننىڭ الەۋمەتتىك جوبالارىنا 75 ميلليارد تەڭگە قۇيدى. سونىمەن قاتار 58 ميلليارد تەڭگەنى قايىرىمدىلىققا باعىتتادى.

 3 مىڭ پاتەر سالىندى. 14 ميلليارد تەڭگە تۇرعىن ءۇي باعدارلاماسىنا جۇمسادى. پرەزيدەنتتىڭ «نۇرلى جول» باعدارلاماسىن قولداۋ ماقساتىندا توپقا كىرەتىن كومپانيالار جۇمىسشىلارىنا ارنالعان بۇرىن- سوڭدى بولماعان تۇرعىن ءۇي باعدارلاماسىن باستايمىز. 2020 - جىلعا دەيىن 1 ميلليون شارشى مەتر تۇرعىن ءۇي سالىپ بەرەمىز. جاقىن ارادا 200 مىڭ شارشى مەترى سالىنادى. ءبىلىم بەرۋ سالاسىندا دا ۇلكەن قولداۋ جاساۋدامىز. بىزدە 6 ءبىلىم بەرۋ ورتالىعى بار. حرومتاۋ، اقتوبە جنە رۋدنىيدا دۋالدى وقىتۋ جۇيەسى ەنگىزىلدى. قازاقستاننىڭ 50 گە تارتا ءبىلىم بەرۋ مەكەمەلەرىمەن قارىم- قاتىناس ورناتتىق. بىلتىر 1 مىڭنان استام تۇلەك جۇمىسقا الىندى»، - دەدى ا. ماشكيەۆيچ بۇگىن ق ر ۇكىمەتىندە الەۋمەتتىك ارىپتەستىك جانە الەۋمەتتىك ەڭبەك قاتىناستارىن رەتتەۋ جونىندەگى رەسپۋبليكالىق ءۇشجاقتى كوميسسيانىڭ كەڭەيتىلگەن وتىرىسىندا.

 ەۋرازيالىق توپتىڭ قۇرامىنا پاۆلودار، قوستاناي، اقتوبە وبلىستارىندا، اقسۋ، رۋدنىي، حرومتاۋ قالالارىندا ورنالاسقان وتاندىق تاۋ- كەن جانە مەتاللۋرگيا ونەركاسىبىنىڭ الىپتارى - اقسۋ فەرروقورىتپا زاۋىتى، ە ە ك، س س ك ءو ب، اقتوبە فەررو قورىتپا زاۋىتى، ءدوڭ ك ب ك جانە باسقالارى كىرەدى.

 اۆتور: جاسۇلان جولدىبايەۆ