قازاقستان ءانشىسى مولدوۆادا وتكەن بايقاۋدا 1- ورىن الدى
مۋزىكا بايقاۋى ۇلى كومپوزيتور يون الديا-تەودوروۆيچ پەن ونىڭ زايىبى، بەلگىلى ءانشى دوينا الديا-تەودوروۆيچتى ەسكە الۋعا ارنالدى. بايقاۋ تالابى بويىنشا ءار سايىسكەر يون الديا-تەودوروۆيچ رەپەرتۋارىنان ءبىر شىعارما مەن ءوزىنىڭ تۋعان تىلىندە ءبىر ءان ورىنداۋى كەرەك بولدى.
قازاقستاندىق ورىنداۋشى كومپوزيتوردىڭ Lartă-mă («كەشىر مەنى») ءانىن شىرقاۋدى ۇيعارعان. «بۇل ءاننىڭ ماعىناسى - ومىردە سۇيىكتى ايەلىڭدى اناڭنان ارتىق قويعانىڭ ءۇشىن كەشىرىم سۇراۋ تۋرالى. ماعان بۇل ءان قاتتى ۇنادى، ونى بار جان-تانىممەن ورىنداۋعا تىرىستىم. مولدوۆا حالقىنا مەنىڭ ورىنداۋىم قاتتى ۇنادى»، - دەدى مادەنوۆ.
حالىقارالىق بايقاۋدىڭ باس جۇلدەسى ءۇشىن 14 ەلدىڭ وكىلى باق سىنادى، ونىڭ ىشىندە، ۇلى بريتانيا، اۆستريا، ليتۆا، رۋمىنيا، گرۋزيا، رەسەي جانە مولدوۆا ورىنداۋشىلارى مىقتى بولدى. فارحاد مادەنوۆ مۋزىكا فەستيۆالدەرىندە تۇڭعىش رەت لاۋرەات بولىپ وتىرعان جوق. ول جۋىردا عانا «قازاقستاننىڭ التىن داۋىسى» اتاعىن العان، سونىمەن بىرگە، لاس-ۆەگاستا وتكەن «حرۋستال ماگنوليا» اتتى جاس ورىنداۋشىلاردىڭ ⅩⅨحالىقارالىق مۋزىكا كونكۋرسىندا جەڭىمپاز اتاندى.
