اقتوبە وبلىسىندا قۇنى 1 تەڭگەگە باعالانعان اكىم اۋىلداستارىنا وكپەلەپ قالدى
اقتوبە وبلىسىنىڭ تۇرعىنى اۋدان اكىمىن سوتقا بەرىپ، وسىنشاما شىعىن تالاپ ەتۋدە.
اقتوبە وبلىسىندا قۇنى 1 تەڭگەگە باعالانعان اكىم اۋىلداستارىنا وكپەلەپ قالدى بۇل تۋرالى ktk ارناسى حابارلايدى.
تۇرعىننىڭ ايتۋىنشا، حرومتاۋ اۋدانىنىڭ باسشىسى مال جايىلىمىن مەملەكەت مەنشىگىنە زاڭسىز قايتارىپ الىپ، كەيىن ونى جەكە قولعا قايتا ساتىپ جىبەرگەن.
ەندى جايىلىمىنان ايرىلعان جۇرت قوراسىنداعى مالىنا ءورىس تابا الماي پۇشايمان كۇي كەشىپ وتىر. حرومتاۋ اۋدانىنا قاراستى قوپا اۋىلىندا مال ءورىسى تارىلعالى بەرى جەرگىلىكتى جۇرتتىڭ كۇيى كەتكەن.
ءتورت تۇلىگىنىڭ اۋىزى شوپكە تيمەي، ەندى مال باسىن ازايتۋعا ءماجبۇر.
"اينالىپ-اينالىپ اۋىلعا كەلەدى. انا ارىقتان قاي جاققا بارادى؟ سىممەن قورشاپ تاستاعان. نەمىستىڭ كونتسلاگەرىندە وتىرمىز ءوزىمىز دە، مالىمىز دا"، - دەيدى قوپا اۋىلىنىڭ تۇرعىنى جارىلعاپ قالمۇراتوۆ.
كەزىندە كەڭشار تاراعاندا اۋىل حالقى پاي رەتىندە قولدارىنا تيگەن جەرلەرىن وندىرىستىك كووپەراتيۆكە بىرىكتىرىپتى. بىرەر جىل بۇرىن ۇجىم باسشىسى اۋىلدىڭ كوزى ءتىرى تۇرعىندارى تۇرماق، ون جىل بۇرىن قايتىس بولعان قوپالىقتاردىڭ سىرتتان قولىن قويىپ زاڭسىز ونى مەملەكەت مەنشىگىنە وتكىزىپ جىبەرگەن. مۇنى بىلە تۇرا حرومتاۋدىڭ اتقامىنەرلەرى جەردى دەرەۋ وڭىردەگى ۇلكەن كومپانياعا جالعا بەرە قويىپتى.
قوپا اۋىلى تۇرعىندارىنا تيەسىلى جايىلىم قازىر جەكە كاسىپكەردىڭ قولىنا وتكەن. ول 132 مىڭ گەكتار اۋماقتى مىنانداي قۇدىق قازىپ، قورشاپ الىپتى. ەندى بۇل ماڭعا اۋىلدىڭ ءتورت تۇلىگى تۇرماق، تۇرعىندارى دا جولاي المايدى. جەردىڭ مەملەكەتتىك قورعا زاڭسىز وتكەنىن پروكۋرورلار دا انىقتاپ بەرگەن.
ءبىراق حرومتاۋ اۋدانى اكىمى باستاپ قوپالىقتاردىڭ جانايقايىنا قۇلاق تۇرمەي وتىر. باسشىدان كوڭىلى قالعان اۋىلدىقتار ەندى ايازباي وسمانعاليەۆتى سوتقا بەرىپ، ودان جەردەن بولەك 1 تەڭگە تالاپ ەتۋدە.
"ونداي اكىمنىڭ قۇنى ءبىر-اق تەڭگە دەپ ويلايمىن. ءتىپتى 1 تەڭگە ەمەس 1 تيىن. ءبىراق اينالىمدا تيىن بولماعاندىقتان 1 تەڭگەگە سوتقا بەرگەنبىز. حالىقتى الداعان ادام ەلباسىن دا الداپ وتىر. ول جوعارىنى دا الداپ وتىر. ءبىزدىڭ اش جاتقانىمىز ونىڭ ءبارى انىقتالىپ تۇرسا دا وتىرىك اقپارات بەرىپ وتىرعان"، - دەيدى قوپا اۋىلىنىڭ تۇرعىنى باقىتجان قۇرمانوۆ.
ال اكىم وزىنە شاڭ جۋىتار ەمەس. جايىلىمعا باس قاتىرعانان گورى، اۋىلداستارىنىڭ قۇنىن 1 تەڭگەگە باعالاعانىنا نامىستانىپ ءجۇر ەكەن.
