بيىلعى جىلعى «قازاقستان ارۋى» 1 ميلليون تەڭگەگە يە بولادى
بۇل تۋرالى بۇگىن الماتىدا «قازاقستان ارۋى» بايقاۋىن 10 جىل بويى ۇيىمداستىرىپ كەلە جاتقان فەشن- پروديۋسەر ساكەن جاقسىبايەۆ ءمالىم ەتتى.
«بيىلعى جىلدىڭ جەڭىمپازى 1 ميلليون تەڭگە بولاتىن جۇلدەگە قول جەتكىزەدى. بۇل اقشاعا ول جەكە بيزنەسىن باستاپ، شارتاراپقا ساياحات جاساپ، شەتەلدە 1 جىل وقىپ كەلە الادى. مۇنداي قاراجاتقا ءۇندىستاندا 2 جىل تۇرۋعا بولادى. جەڭىمپاز ارۋ ءسان تەندەنسيالارىن قالت جىبەرمەيتىن بولسا، ديزاينەرلىك كيىم كيۋگە دە ەرىكتى. قىسقاسى، بۇل قارجى ونىڭ بولاشاق مانسابىنا جول اشپاق» ، - دەدى س. جاقسىبايەۆ.
ەستەرىڭىزگە سالا كەتەيىك، بيىلعى سۇلۋلىق بايقاۋىنىڭ فينالى جاڭا فورماتتا 28 - قاراشاسىندا الماتىدا وتەدى.
بايقاۋعا بەلگىلى ءانشى لۋينا، تەلەجۇرگىزۋشى سالتانات بەكجىگىت، ءانشى ءالي وقاپوۆ، يليا يلين، مارات ورالعازين قازىلىق ەتەتىن بولادى. بايقاۋعا قاتىسۋعا نيەت ەتكەن قىزدار ونلاين تىركەۋدەن ءوتۋى ءتيىس. كەيىن تىركەلگەن ايماق بويىنشا كاستينگتەن وتەدى. 2014 -جىلدىڭ 1-30 - قازانى ارالىعىندا بايقاۋ كوميتەتى ءار ايماققا بارىپ، 100 سۇلۋ قىزدى ىرىكتەپ الادى.
ودان كەيىن 4-15 - قازان ارالىعىندا قازاقستاننىڭ كەز- كەلگەن ازاماتى misskazakhstan.kz سايتى ارقىلى ەڭ ۇزدىك 5 فيناليستى انىقتايدى. «ەڭ سۇلۋ» دەگەن اتقا لايىق ارۋدى ونلاين داۋىس بەرۋ، س م س (كەلتە حات)- داۋىس بەرۋ ارقىلى حالىق تاڭدايدى.
اۆتور: گۇلميرا عوسمانالي
