الماتىدا 1-تامىز كۇنى جاپپاي تاڭەرتەڭگىلىك دەنە شىنىقتىرۋ شاراسى وتەدى
بۇل تۋرالى بۇگىن الماتى قالالىق سالاۋاتتى ءومىر سالتىن قالىپتاستىرۋ ورتالىعىنىڭ باسپا ءسوز قىزمەتىنەن حابارلادى.
«بۇل شارا دەنساۋلىق فەستيۆالى قارساڭىندا ۇيىمداستىرىلىپ وتىر جانە ول «دەنە ەڭبەگى - ۇزاق ءومىر ءسۇرۋدىڭ كەپىلى» دەگەن ۇرانمەن وتەدى. نيەت بىلدىرۋشىلەر دەنە شىنىقتىرۋعا قالانىڭ التى اۋدانىندا قاتىسا الادى. جاتتىعۋلار المالى اۋدانىنداعى استانا الاڭىنىڭ ساياباعىندا، تۇركىسىب اۋدانىندا سەيفۋللين داڭعىلى مەن شولوحوۆ كوشەسىنىڭ قيىلىسىنداعى ساياباقتا، الاتاۋ اۋدانىنداعى «الاتاۋ» كونتسەرت زالىنىڭ الدىندا، سونداي- اق 28 پانفيلوۆشىلار ساياباعى جانە «Family» ساياباعى مەن «اتاكەنت» كورمە كەشەنىنىڭ الدىندا وتەدى» ، - دەلىنگەن باسپا ءسوز قىزمەتىنىڭ مالىمدەمەسىندە.
اتالمىش شارا 1 - تامىز كۇنى تاڭعى ساعات 9:30-دا باستالادى. جاتتىعۋ ۋاقىتى شەكتەۋسىز.
وعان تەك ەگدە ادامدار عانا ەمەس، بارلىق نيەت بىلدىرۋشىلەر دە قاتىسا الادى.
بۇل يگى شارا «سالاماتتى قازاقستان» مەملەكەتتىك باعدارلاماسى اياسىندا ۇيىمداستىرىلۋدا.
اۆتور: جاپپاربەرگەن ايبوتا
