11:56, 28 - شىلدە 2014 | GMT +5
زارينا دياس ايەلدەر تەننيسى قاۋىمداستىعىنىڭ رەيتينگىندە 1 -ساتىعا كوتەرىلدى
استانا. قازاقپارات - قازاقستاندىق تەننيسشى زارينا دياس ايەلدەر تەننيسى قاۋىمداستىعىنىڭ (WTA) جاڭارتىلعان رەيتينگىندە 1- ساتىعا جوعارىلاپ، ءوزىنىڭ سپورتتىق مانسابىنداعى ۇزدىك ناتيجەسىنە قايتا ورالدى، دەپ حابارلادى Vesti.kz.
زارينا دياس رەيتينگتە 54 تەن 53- ورىنعا جوعارىلادى. ەستە بولسا، ول بۇعان دەيىن 7- شىلدە كۇنى WTA رەيتينگىندە 53- ورىننان كورىنگەن ەدى. قازاقستاننىڭ ءبىرىنشى راكەتكاسى ياروسلاۆا شۆەدوۆا دا 1 ساتى جوعارلاپ، 52- ورىنعا تۇراقتادى. ال گالينا ۆوسكوبويەۆا 104 تەن 118- ورىنعا تومەن سىرعىسا، سەسيل كاراتانچيەۆا 173 تەن 150- ورىنعا، يۋليا پۋتينتسيەۆا 171 دەن 169- ورىنعا كوتەرىلدى.
رەيتينگتىڭ ۇزدىك وندىعىندا ەش وزگەرىس جوق، كوش باسىندا - امەريكاندىق سەرەنا ۋيليامس.
اۆتور: مارلان جيەمباي
