11:46, 28 - شىلدە 2014 | GMT +5
شەكارادان قازاقستانعا 1 توننا قۇس ەتىن زاڭسىز الىپ وتپەك بولعاندار ۇستالدى
استانا. قازاقپارات - قازاقستان- قىرعىزستان مەملەكەتتىك شەكاراسىندا شامامەن 1 توننا قۇس ەتىن كونتراباندالىق جولمەن الىپ وتپەك بولعاندار ۇستالدى، دەپ حابارلادى ق ر ۇ ق ك شەكارا قىزمەتىنىڭ باسپا ءسوز قىزمەتىنەن.
ۆەدومستۆو اقپاراتىنا قاراعاندا، زاڭ بۇزۋشىلىق 27- شىلدە كۇنى تۇنگى ساعات شامامەن 2 لەردە ورىن الدى. تاراز شەكارا وتريادى «گرودەكوۆو» زاستاۆاسىنىڭ شەكارا جاساعى قىزمەتتىك مىندەتتەرىن اتقارۋ بارىسىندا قاۋىپسىزدىكتىڭ شيىرشىق كەدەرگىسىنەن وتپەك بولعانداردى انىقتاعان.
«شەكارا بۇزۋشىلاردى ۇستاۋ بارىسىندا ولار بوي تاسالاماق بولدى. سوندىقتان شەكاراشىلارعا تراۆماتيكالىق قارۋدى پايدالانۋعا تۋرا كەلدى. ناتيجەسىندە كونترابانداشىلاردىڭ «ۋاز» كولىگى جىراعا ءتۇسىپ، اۋدارىلدى. كولىكتەن شامامەن 1 توننا كونتراباندالىق قۇس ەتى تابىلدى»، - دەلىنگەن حابارلامادا.
قازىرگى ۋاقىتتا اتالعان فاكتى بويىنشا ءمان-جايدى انىقتاۋ شارالارى جۇرگىزىلۋدە.
اۆتور: مارلان جيەمباي
