كاسپي تەڭىزى 1 مەتىردەن استامعا كوتەرىلدى

استانا. قازاقپارات - اتىراۋ وبلىسى بويىنشا «قازگيدرومەت» فيليالىنىڭ مالىمەتى بويىنشا، پەشنوي كەنتىندەگى كاسپي تەڭىزىندەگى سۋ قاۋىپتى دەڭگەيگە جەتكەن جوق،

 دەپ حابارلايدى «اق جايىك» .

بۇل ايماقتا سۋ دەڭگەيى 120 س م- گە كوتەرىلگەن كەزدە قاۋىپتى دەپ سانالادى. 15- ماۋسىمدا تەڭىزدەگى سۋ 26,97 - 26,96 مەترگە دەيىن كوتەرىلىپ، نورمادان 103 - 104 س م- گە استى. ال بولجام بويىنشا، 128 س م- گە جەتۋى كەرەك ەدى.

 ەسكە سالا كەتەيىك، 13 - ماۋسىمدا اتىراۋ وبلىسى بويىنشا توتەنشە جاعدايلار جونىندەگى دەپارتامەنتى گيدرومەتورتالىعىنىڭ مالىمەتتەرى بويىنشا اعىمداعى جىلدىڭ 15-16- ماۋسىم كۇندەرى پەشنوي پوسەلكەسىندە كاسپي تەڭىزىندە سۋ دەڭگەيىنىڭ شامادان تىس كوتەرىلۋى كۇتىلۋدە ەكەندىگىن ەسكەرتكەن شۇعىل حابارلاما تاراتتى. «قۇرعاق جەردى جاعالاۋدان 5-6 - شاقىرىم تەرەڭدىكتە سۋ باسۋى مۇمكىن» ، - دەلىنگەن ەدى حابارلامادا.

«وسى بولجامنىڭ نەگىزىندە سۋ باسۋ قاۋپى تونگەن اتىراۋ قالاسى ەركىنقالا، اتىراۋ، كەڭوزەك، دامبى اۋىلدىق وكرۋگتەرى مەن يساتاي اۋدانى زينەدەن جانە جانباي ەلدى مەكەندەر تۇرعىندارىن كوشۋگە دايىن بولۋى سۇرالادى. وسىعان بايلانىستى ءبىرىنشى كەزەكتە جەكە قۇجاتتارى، كيىم- كيشەكتەر جانە ءبىر كۇنگە ازىق- تۇلىك قورىن دايىنداپ كويۋى مىندەتتى».