قازاقستاننىڭ مەديسينا قىزمەتكەرلەرى ءبىر تاۋلىكتە 1 مىڭ انانى بوساندىرىپ الادى
بۇل تۋرالى بۇگىن استانادا مەديسينا قىزمەتكەرلەرىنىڭ كاسىبي مەرەكەسىنە ارنالعان سالتاناتتى شارادا ق ر دەنساۋلىق ساقتاۋ ءمينيسترى ساليدات قايىربەكوۆا ءمالىم ەتتى.
«ءبىر تاۋلىكتە ءبىزدىڭ ارىپتەستەر ءبىر مىڭعا تارتا انانى بوساندىرىپ الادى. 2 مىڭنان استام وتا جاسالادى. ولاردىڭ ىشىندە ەڭ جوعارى تەحنولوگيالى وپەراتسيالار دا بار. جەدەل مەديتسينالىق كومەك كورسەتۋ قىزمەتى تاۋلىگىنە 18 مىڭ مارتە شاقىرتۋلارعا شىعادى. 7 مىڭعا جۋىق ادام ءبىزدىڭ ستاتسيونارلىق ەمدەۋدە قابىلدانادى. قانداي يندۋستريا جانە قانداي اۋقىمدى جۇمىس ەكەندىگىن كورىپ وتىرسىزدار» ، - دەپ اتاپ ءوتتى مينيستر.
ونىڭ ايتۋىنشا، مەديسينا قىزمەتكەرلەرىنىڭ جوعارى كاسىبيلىگى - مەديسينالىق قىزمەتتەردىڭ ساپاسىنا تىكەلەي اسەر ەتەدى. ءمينيستردىڭ اتاپ وتكەنىندەي، جاس ماماندارعا ۇلكەن ءۇمىت ارتىلۋدا.
