اتاقتى فۋتبولشى قازا تاپقان شاحتەرلار وتباسىنا 1 ميللون ەۆرو قايىرىمدىلىق جاسادى

اياقدوپ شەبەرى قايعى جۇتىپ قالعاندار ءۇشىن جەكە ەسەپشوتىنان 1 ميللون ەۆرو  اۋدارعان.

36 جاستاعى ويىنشى «گالاتاساراي» كلۋبىمەن جاساسقان كەلىسىمشارتى نەگىزىندە جىلىنا 7 ميللون ەۆرو الاتىن كورىنەدى. تۇرىك ەلىنىڭ الەۋمەتتىك جەلى قولدانۋشىلار ايتقانداي، «ديدە دروگبانىڭ بۇل ءىسى - قايىرىمدىلىقتىڭ ناعىز ۇلگىسى».

ستامبۋل شاھارىنان 250 شاقىرىم قاشىقتىقتا ورنالاسقان سوما قالاسىنداعى شاحتاداعى جارىلىس مامىر ايىنىڭ  13-جۇلدىزىندا ورىن العان بولاتىن.

اپاتتىڭ نەگىزگى سەبەپتەرىنىڭ ەلەكتر جەلىسىنىڭ قىسقا تۇيىقتالۋىنان ءورت شىعىپ، جارىلىس بولدى دەگەنگە سايادى. اپات كەزىندە شاحتادا 787 جۇمىسشى بولعان.

www.muslim.kz