ەلىمىزدە 19 جىلۋ ەلەكتر ورتالىعى قىزىل ايماقتا تۇر

None
استانا. قازاقپارات - ەلىمىزدە 19 جىلۋ ەلەكتر ورتالىعى قىزىل ايماقتا تۇر. بۇل تۋرالى ق ر پرەمەر- ءمينيسترى ءاليحان سمايىلوۆتىڭ سەنات دەپۋتاتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

«بۇگىنگى تاڭدا ەلدە 37 جىلۋ ەلەكتر ورتالىعى جۇمىس ىستەيدى. ونىڭ 12 ءسى - كوممۋنالدىق مەنشىكتە (استانا، اقتاۋ، سەمەي، قوستاناي، كەنتاۋ، ورال، ارقالىق، شاحتينسك، قىزىلوردا، تاراز قالالارىندا)، ۇشەۋى - كۆازيمەملەكەتتىك («الەس» ا ق) جانە 22 ءسى - جەكە مەنشىكتە. 25 جىلۋ ەلەكترو ورتالىعىنداعى نەگىزگى وتىن - كومىر، 11 جىلۋ ەلەكتر ورتالىعىندا - گاز جانە مازۋتتاعى ءبىر ج ە و بار. 37 ج ە و- دا 190 بۋ قازاندىعى، 41 سۋ جىلىتۋ قازاندىعى، 132 بۋ تۋربيناسى جانە 5 گاز تۋربيناسى جۇمىس ىستەيدى. ەنەرگەتيكا مينيسترلىگى 37 ج ە و- نىڭ تەحنيكالىق جاي- كۇيىنە تالداۋ جۇرگىزىپ، ولاردى تاۋەكەل توپتارى بويىنشا ساناتتادى جانە ءبىرىنشى كەزەكتەگى ءىس- قيمىل جوسپارلارىن ازىرلەدى. ماسەلەن قىزىل ايماققا (جوعارى تاۋەكەل دارەجەسى) 19 ج ە و، سارى (ورتاشا تاۋەكەل دارەجەسى) 11 ج ە و جانە جاسىل (تومەن تاۋەكەل دارەجەسى) 7 ج ە و كىردى»، - دەلىنگەن ۇكىمەت باسشىسىنىڭ جاۋابىندا.

پرەمەر- ءمينيستردىڭ جاۋابىنا قوسىمشا ۇسىنىلعان انىقتاماعا سايكەس، تاۋەكەل ايماعىنا مىنا قالالارداعى ج ە و- لار كىرەدى:

ارقالىق – 1، كەنتاۋ – 1، قىزىلوردا – 1، ورال – 1، ستەپنوگورسك – 1، تەمىرتاۋ – 2، پاۆلودار – 1، اقتاۋ – 1، شاحتينسك – 1، ريددەر – 1، رۋدنىي – 1، بالقاش – 1، جەزقازعان – 1، وسكەمەن – 1، پەتروپاۆل – 1، سەمەي – 1، ەكىباستۇز – 1، تاراز - 1؛ سارى تاۋەكەل ايماعىنداعىلار: الماتى – 2، پاۆلودار – 1، اقتاۋ – 1، قاراعاندى – 2، تەكەلى – 1، شىمكەنت – 1، قوستاناي – 1، اتىراۋ - 1؛ جاسىل تاۋەكەل ايماعىنداعىلار الماتى – 1، ورال – 1، پاۆلودار – 1، استانا – 1، اقتوبە – 1، استانا - 1.

سوڭعى جاڭالىقتار