كولگە قۇلاعان ۇشاقتاعى 19 جولاۋشى قازا تاپتى

ۇشاق بورتىندا 43 ادام بولعان، ونىڭ كەم دەگەندە 19 ى مەرت بولدى، دەپ حابارلايدى قازاقپارات BBC اگەنتتىگىنە سىلتەمە جاساپ.

بۇعان دەيىن جەدەل قىزمەت 26 ادامدى، ونىڭ ىشىندە 2 ۇشقىشتى قۇتقارىپ قالعانى حابارلانعان بولاتىن.

الايدا كەيىن ەلدىڭ پرەمەر-ءمينيسترى ۇشقىشتاردىڭ العان جاراقاتىنان قازا تاپقانىن ءمالىم ەتتى.

Precision Air اۆياكومپانياسىنىڭ ATR 42 جولاۋشىلار ورتاشا ماگيسترالدىق ۇشاعى تانزانيانىڭ ەڭ ۇلكەن قالاسى دار-ەس-سالامنان مۆانزا ارقىلى بۋكوباعا ۇشقان بولاتىن.

وقيعا كۋاگەرلەرىنىڭ ءبىرى ابدۋل نۋري BBC -گە ۇشاقتىڭ سۋعا قۇلاعانىن كورگەنىن ايتتى.

«ناعىز شوك بولدى. ءبارى دۇربەلەڭگە ءتۇستى، ال كەيبىرەۋلەر ايقايلاپ، جىلاي باستادى. كۇتىپ الۋ ايماعىنداعىلار دا ۇرەيلەنە باستادى»، - دەدى ول.

نۋريدىڭ ايتۋىنشا، جەرگىلىكتى بالىقشىلار ۇشاق سۋعا قۇلاعاننان كەيىن سوندا ءجۇزىپ، ستيۋارد اشقان ارتقى ەسىك ارقىلى قۇتقارىپ العان.

اپاتتىڭ سەبەبى - اۋا رايىنىڭ قولايسىزدىعى، الايدا اپاتتان كەيىن جاڭبىر توقتاپ، قۇتقارۋشىلار وقيعا ورنىنا جەتكەن.

اپاتتان كەيىن ۇشاق تولىق سۋعا باتىپ، تەك ارتقى جاعى سۋ بەتىنە شىعىپ تۇردى.

ەسكە سالايىق، بۇعان دەيىن تانزانيادا جولاۋشىلار ۇشاعىنىڭ اپاتقا ۇشىراعانىن جازعان ەدىك.

فوتو: www.bbc.com