بيزنەسكە بەرىلەتىن گرانتقا قۇجات قابىلداۋ 19-قىركۇيەكتەن باستالادى

«19-قىركۇيەكتەن باستاپ Business.enbek.kz پورتالىندا 2021-2025 -جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە 4 لەك بويىنشا جاڭا بيزنەس- يدەيالاردى ىسكە اسىرۋ ءۇشىن مەملەكەتتىك گرانتتار الۋعا وتىنىمدەر قابىلداۋ باستالادى.

گرانت كولەمى – 400 ايلىق ەسەپتىك كورسەتكىش (1 ميلليون 225 مىڭ 200 تەڭگە). ءار قاتىسۋشى ونى ءبىر رەت قانا الادى.

گرانتتار قاراجاتى ءىسىن جاڭا باستاعان كاسىپكەرلەرگە وزدەرىنىڭ بيزنەس- الەۋەتىن اشۋعا، ءوندىرىستى جولعا قويۋعا جانە دامىتۋعا، سول ارقىلى ءوزىن تۇراقتى تابىسپەن قامتاماسىز ەتۋگە مۇمكىندىك بەرەدى»، - دەپ جازىلعان ۆەدومستۆونىڭ رەسمي سايتىندا.

ءوتىنىم بەرۋ ءۇشىن مىنا ارەكەتتەر جاساۋ قاجەت:

- پورتالدا تىركەلۋ؛

- گرانت الۋ شارتتارىنا سايكەستىگىنە تەكسەرۋدەن ءوتۋ؛

- بيزنەس- جوسپار ۇلگىسىن جۇكتەپ الىپ، ونى تولتىرۋ جانە پورتالعا ەنگىزۋ؛

- ءوتىنىش نىسانىن تولتىرۋ جانە ەلەكتروندى سيفرلىق قولتاڭبا كىلتىمەن قول قويۋ.

«ينتەرنەت نەمەسە كومپيۋتەر بولماعان جاعدايدا، حالىقتى جۇمىسپەن قامتۋ ورتالىقتارىنىڭ (س و ن) وزىنە- ءوزى قىزمەت كورسەتۋ ايماقتارىندا، حالىققا قىزمەت كورسەتۋ ورتالىقتارىندا، كاسىپكەرلەرگە قىزمەت كورسەتۋ ورتالىقتارىندا ءوتىنىم بەرۋگە بولادى»، - دەپ جازىلعان رەسمي مالىمەتتە.

سونداي- اق، گرانتتان ۇمىتكەرلەر مىنا تالاپتارعا ساي كەلۋى كەرەك:

- جاڭا بيزنەس- يدەيانى ىسكە اسىرۋ؛

- تىركەلگەن جۇمىسسىزدار؛

- جەكە كاسىپكەر رەتىندە تىركەلگەنىنە 3 جىل تولماعاندار؛

- ءبىرىڭعاي جيىنتىق تولەمدى تولەۋشىلەر.

ۇمىتكەر مىنا الەۋمەتتىك ساناتتاردىڭ بىرىنە جاتۋى شارت:

- مۇگەدەكتىگى بار ادامدار؛

- قولدانىستاعى «قانداس» مارتەبەسى بار ادامدار؛

- وڭتۇستىك وڭىرلەردەن سولتۇستىك وڭىرلەرگە قونىس اۋدارۋشىلار

- از قامتىلعان وتباسى مۇشەلەرى؛

- كوپبالالى وتباسى مۇشەسى (جۇبايى / زايىبى) ؛

- مۇگەدەكتىگى بار بالانى تاربيەلەپ وتىرعان ادام (جۇبايى/ زايىبى)؛

- اسىراۋشىسىنان ايىرىلۋ بويىنشا جاردەماقى الۋشىلار؛

- جاستار.

سونىمەن قاتار ۇمىتكەردىڭ «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى 3 جىلدان اسپايتىن مەرزىمگە سەرتيفيكاتى بولۋعا ءتيىس.

«گرانتتار بەرۋدىڭ بۇكىل پروتسەسى ەلەكتروندىق فورماتقا اۋىستىرىلدى. گرانت الۋعا وتىنىمدەردى قابىلداۋ ءبىرىڭعاي تەرەزە - «Business.enbek.kz» پورتالى ارقىلى جۇزەگە اسىرىلادى»، - دەپ جازىلعان.

ياعني، ءوتىنىشتى قاعاز كۇيىندە بەرۋ مۇمكىن ەمەس.

اتالعان 1,2 ميلليون تەڭگەنىڭ گرانتىن قاجەتتى قۇرال- سايماندار، ەڭبەك قۇرالدارىن، تەحنولوگيالىق جابدىقتار، مال، كاسىپكە قاجەت جانۋاردى، قۇس، كوشەت، تۇقىم ساتىپ الۋعا، بيزنەس جۇرگىزەتىن ورىن- جايدى جالعا الۋ اقىسىن تولەۋگە جۇمساۋعا بولادى.

ال تۇرمىستىق ماقساتقا، بۇرىنعى نەسيەنى جابۋعا، جىلجىمايتىن تۇرعىن ءۇي ساتىپ الۋعا جانە سالۋعا، جەر تەلىمىن ساتىپ الۋعا، اكسيزدەلەتىن ونىمدەر وندىرۋگە بەرىلمەيدى.

گرانت تاعايىنداۋ شەشىمىن حالىقتى جۇمىسپەن قامتۋ ورتالىقتارى اۋداندىق/قالالىق كوميسسيانىڭ ۇيعارىمى نەگىزىندە شىعارادى.