07:04, 08 - قازان 2021 | GMT +5
جاپونيادا بولعان جەر سىلكىنىسىنەن 19 ادام زارداپ شەكتى
نۇر- سۇلتان. ت ا س س - قازاقپارات - جاپونيا استاناسى ماڭىندا بولعان جەر سىلكىنىسىنەن زارداپ شەككەندەر سانى 19 ادامعا جەتتى، دەپ حابارلايدى قازاقپارات رەسەيلىك ت ا س س اگەنتتىگىنە سىلتەمە جاساپ.
بۇل تۋرالى NHK تەلەارناسى حابارلادى. ءۇش ادام توكيودا بىرنەشە ۆاگوننىڭ رەلستەن شىعۋى كەزىندە زارداپ شەككەن. وزگەلەرى نەگىزىنەن قۇلاعان كەزدە ءتۇرلى دارەجەدە جاراقات العان. سەيسمولوگتار ءزىلزالانىڭ ماگنيتۋداسىنىڭ ولشەمىن 5,9 عا دەيىن تومەندەتىپ حابارلاعانى تۋرالى ايتىلىپ جاتىر. جەراستى ءدۇمپۋىنىڭ وشاعى توكيو مەن تيبا پروفەكتۋرالارىنىڭ شەكاراسىندا جاتىر. ناقتىلانعان مالىمەتتەر بويىنشا، ءزىلزالانىڭ وشاعىنىڭ تەرەڭدىگى 75 ەمەس، 80 ك م. وسىعان دەيىن توكيودا قۋاتتى جەر سلكىنىسى بولعاندىعى حابارلاندى.
