قازاقپارات كۇنتىزبەسى: 19- ناۋرىز

اتاۋلى كۇندەر

حالىقارالىق كليەنتتەر كۇنى

العاش رەت 2010-جىلى اتاپ وتىلگەن. سودان بەرى جىل سايىن بۇل مەرەكەنى ەۋروپا جانە امەريكا ەلدەرى قولداپ كەلەدى.

اتاپ ايتقاندا بۇل كۇنى كاسىپكەرلەر كليەنتتەرىنە ىنتىماقتاستىعى ءۇشىن العىس ايتىپ، وزدەرىنىڭ ريزاشىلىعىن بىلدىرەدى.

ەستە قالار وقيعالار

1931-جىلى قازاقستانداعى العاشقى ءارى الدىڭعى قاتارلى مەديتسينالىق وقۋ ورداسىنىڭ ءبىرى - س. د. اسفەندياروۆ اتىنداعى قازاق ۇلتتىق مەديتسينالىق اكادەمياسى اشىلدى.

1996 -جىلى قازاقستان رەسپۋبليكاسى پرەزيدەنتىنىڭ توراعالىعىمەن جوعارعى سوت كەڭەسىنىڭ ءبىرىنشى ءماجىلىسى ءوتتى.

2001 -جىلى استانا قالاسىنىڭ «استانانىڭ گۇلدەنۋى - قازاقستاننىڭ گۇلدەنۋى» اتتى الەۋمەتتىك- ەكونوميكالىق دامۋىنىڭ (2005-جىلعا دەيىن) مەملەكەتتىك باعدارلاماسى بەكىتىلدى.

2007 -جىلى قازاقستان پرەزيدەنتى ن. نازاربايەۆ كاتاردىڭ جوعارى مەملەكەتتىك ناگراداسى - «تاۋەلسىزدىك» وردەنىمەن ماراپاتتالدى. وردەندى 1978-جىلى كاتار ءامىرى حاليفا بين حاماد ءال- تاني ەلدەر اراسىنداعى دوستىقتى دامىتۋعا قوسقان ۇلەسى ءۇشىن شەتەلدىك مەملەكەت باسشىلارىن، ۇكىمەت باسشىلارىن ماراپاتتاۋ ءۇشىن بەكىتكەن.

2013 -جىلى الماتىدا قارجىگەرلەر اللەياسى اشىلدى. وعان 70 تيان-شان شىرشاسى وتىرعىزىلدى.

2013 -جىلى «ەير استانا» كومپانياسىنىڭ Emblaer اۋە لاينەرىنە قازاقستاننىڭ حالىق ءارتىسى، مەملەكەتتىك سىيلىق جانە «تارلان» سىيلىعىنىڭ لاۋرەاتى ءامينا ءومىرزاقوۆانىڭ ەسىمى بەرىلدى.

2014 -جىلى قىتاي استاناسىنىڭ ورتالىعىندا «چاويان» ساياباعىندا قازاقتىڭ ۇلى اقىنى ءارى ويشىلى ابايعا ارنالعان ەسكەرتكىش اشىلدى (ءمۇسىنشى يۋان سيكۋن).

2015 -جىلى شانحاي ىنتىماقتاستىق ۇيىمىنىڭ (ش ى ۇ) حاتشىلىعىندا ۇلتتىق ناقىشتاعى «استانا» ءماسليحات زالى سالتاناتتى تۇردە اشىلدى. شوس حاتشىلىعىنىڭ ءبىرنشى قاباتىندا ورنالاسقان زالدىڭ اۋدانى 60 شارشى مەتردەن اسادى.

2017 -جىلى قازاقستاندىقتار سۇڭعات زاكارين مەن اسلان قاناتبەك دجيۋ-دجيتسۋدان گرەكيا استاناسى افينادا وتكەن جاستار اراسىنداعى الەم چەمپيوناتىندا الەم چەمپيونى اتاندى. جەكە جانە كوماندالىق ەسەپتە ۇزدىك اتانۋ ءۇشىن الەمنىڭ 45 ەلىنەن جينالعان 1000 نان استام سپورتشى كۇرەس جۇرگىزدى.

2018 -جىلى قازاقستاننىڭ ءبىرىنشى راكەتكاسى ميحايل كۋكۋشكين (اتر رەيتينگىندە - 89) امەريكانىڭ يرۆينگ قالاسىندا وتكەن جۇلدە قورى 150000 دوللار چەللەندجەردىڭ جەڭىمپازى اتاندى.

2019 -جىلى قازاقستاننىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆ مەملەكەت باسشىسىنىڭ وكىلەتتىگىن توقتاتاتىنىن ءمالىم ەتتى. كونستيتۋتسياعا سايكەس، ق ر پرەزيدەنتىنىڭ وكىلەتتىگى قازاقستان رەسپۋبليكاسى پارلامەنتى سەناتىنىڭ سپيكەرى قاسىم-جومارت توقايەۆقا اۋىستى.