19-قاراشادا وتەتىن ماڭىزدى شارالار اڭداتپاسى

نۇر- سۇلتان

10.00-دە ق ر پارلامەنتى سەناتىنىڭ وتىرىسى باستالادى.

11.00-دە «داعدارىس ورتالىقتارى وداعى» ز ت ب ZOOM پلاتفورماسىندا ونلاين بريفينگ وتكىزەدى. بريفينگ بارىسىندا وداق «تۇرمىستىق زورلىق- زومبىلىق قۇرباندارىنا ارنالعان داعدارىس ورتالىقتارىنىڭ قىزمەتىن جەتىلدىرۋ جانە اگرەسسورلارمەن جۇمىس ىستەۋ شارالارىن ۇيىمداستىرۋ» جوباسىنىڭ قورىتىندىسىن ۇسىنادى.

14.00-دە ەۋروپالىق جوعارى ءبىلىم كەڭىستىگىنە مۇشە ەلدەردىڭ ءبىلىم مينيسترلەرىنىڭ كونفەرەنتسياسى وتەدى. ۇيىمداستىرۋشى - يتاليانىڭ جوعارى مەكتەپ جانە عىلىمي زەرتتەۋلەر مينيسترلىگى.

14.30-دا «SHERATON NUR- SULTAN HOTEL» قوناقۇيىندە «ADAL» ساياسي پارتياسىنىڭ VII سەزى وتەدى.

16.00-دە ق ر ۇلتتىق مۋزەيىندە (تاۋەلسىزدىك داڭعىلى، 54) «نيۋرنبەرگ ساباقتارى: ەستە ساقتاۋ ءۇشىن» كورمەسى اشىلادى. نيۋرنبەرگ پروتسەسىنىڭ 75 -جىلدىعىنا ارنايى دايىندالعان ەكسپوزيتسيادا قازاقستانداعى روسسوترۋدنيچەستۆو وكىلدىگى، رەسەي تاريحي قوعامى، ۇلى وتان سوعىسىنىڭ ورتالىق مۇراجايى (ماسكەۋ) جانە قازاقستانداعى رەسەي ەلشىلىگى رەسەيدىڭ جەتەكشى مۇراعاتتارىنان جانە رەسەيدىڭ قازىرگى زامانعى تاريحى مۋزەيىنەن (ماسكەۋ) سيرەك كەزدەسەتىن قۇجاتتار مەن فوتوسۋرەتتەردى ۇسىنادى.

17.00-دە ق ر تۇڭعىش پرەزيدەنتى - ەلباسى مۋزەيىندە «تاۋەلسىز قازاقستاننىڭ تاريحي كودى» جانە «ديپلوماتيالىق سىيلىقتار - ادامزات مادەني مۇراسىنىڭ بولىگى» اتتى ەكى كورمەنىڭ سالتاناتتى اشىلۋ ءراسىمى وتەدى.

19.00-دە «G- Global. ХХІ عاسىر الەمى» حالىقارالىق كونگرەسىنىڭ پلەنارلىق وتىرىسى وتەدى. جيىن مىنا پلاتفورمادا كورسەتىلەدى.

الماتى

11.30-دا مۇلىك يەلەرى بىرلەستىگى مەن كوندومينيۋم قۇرۋ جانە تىركەۋ الگوريتمى تۋرالى ونلاين بريفينگ وتەدى.

14.30-دا الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين ينۆەستيتسيالىق جوبالاردى ىسكە اسىرۋ تۋرالى ونلاين بريفينگ وتكىزەدى.