قازاقپارات كۇنتىزبەسى. 19- قازان

اتاۋلى كۇندەر

قۇتقارۋشىلار كۇنى

قۇتقارۋشىلار كۇنى قازاقستاندا جىل سايىن 19 - قازاندا اتاپ وتىلەدى. بۇل اتاۋلى كۇننىڭ بەكىتىلۋى ەلىمىزدە توتەنشە جاعدايلار جونىندەگى ورتالىق مەملەكەتتىك كوميتەتتىڭ قۇرىلۋىمەن بايلانىستى.

ەستە قالار وقيعالار

1928 -جىلى قاراعاندى وبلىسىنداعى قارساقباي ەلدى مەكەنىندە جەزقازعان تاۋ- كەن مەتاللۋرگيالىق كومبيناتى («جەزقازعان ءتۇستى مەت» اكسيونەرلىك قوعامى) قۇرىلدى.

1997 -جىلى شىلدەدە «جەزقازعان ءتۇستى مەت» اكسيونەرلىك قوعامى نەگىزىندە «قازاق مىس» كورپوراتسياسى قۇرىلدى. كورپوراتسيا مىس جانە كۇمىس وندىرۋدەن قازاقستاندا ءبىرىنشى ورىندا بولسا، مىس وندىرۋدەن الەم بويىنشا العاشقى وندىققا كىرەدى. جەزقازعان ايماعىنىڭ دامۋىنا، تاۋ- كەن مەتاللۋرگيا كەشەنىنىڭ قۇرىلۋىنا قازاق عالىمى قانىش ساتبايەۆ كوپ ەڭبەك ءسىڭىردى.

1989 -جىلى سەمەي پوليگونىندا سوڭعى (221-ءشى) يادرولىق جەر استى جارىلىسى جۇرگىزىلدى.

2005 -جىلى «قازپوشتا» ا ق ەستونيا پوشتاسىمەن بىرىگىپ، ەكى ەل اراسىنداعى مادەني بايلانىستى نىعايتۋ ماقساتىندا «اڭشى يتتەر» تاقىرىبىنا ارنالعان جاڭا پوشتا ماركاسىن شىعاردى. جاڭا ماركادا قازاق تازىسى مەن ەستون تازىسىنىڭ سۋرەتى بەينەلەنگەن.

2010 -جىلى ق ر ۇلتتىق بانكى 2011 -جىلعى VII قىسقى ازيا ويىندارىنا ارنالعان نومينالى 500 جانە 5000 تەڭگەلىك ەسكەرتكىش كۇمىس شاقالاردى اينالىمعا شىعاردى.

2012 -جىلى «حابار» اگەنتتىگى» ا ق قۇرامىنداعى تاۋلىك بويى جاڭالىق تاراتاتىن «حابار 24» ارناسى ءوز جۇمىسىن باستادى. اتالعان ارنا ۇلتتىق سيفرلىق تەلەۆيدەنيەنى دامىتۋ باعدارلاماسىنىڭ اياسىندا قۇرىلىپ، ۇلتتىق سپۋتنيكتىك جۇيە ارقىلى حابار تاراتادى.

2012 -جىلى ءبىلىم، عىلىم جانە مادەنيەت جونىندەگى يسلام ۇيىمى 2012 -جىلعى عىلىم جانە تەحنولوگيا سالاسىنداعى ب ع م ج ي ۇ سىيلىعىن م. و. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ سيليكاتتىق تەحنولوگيا جانە مينەرالدى سينتەز كافەدراسىنىڭ پروفەسسورى، دوكتور بەگەن ومار ۇلى ەسىموۆكە تابىستايتىنىن جاريالادى.

2013 -جىلى قازاقستان ءوندىرۋشى سالالارداعى اشىقتىق باستاماسىن جاقتاۋشى مارتەبەسىن الدى.

2015 -جىلى قازاقستان ەكونوميكالىق ىنتىماقتاستىق جانە دامۋ ۇيىمىنىڭ (ە ى د ۇ) دامۋعا جاردەمدەسۋ كوميتەتىندە رەسمي مارتەبەگە يە بولدى.

2015 -جىلى ليسسابوندا FEANI ەۋروپالىق ينجەنەرلىك قوعامدار فەدەراتسياسىنىڭ باس اسسامبلەياسىنىڭ وتىرىسىندا قازاقستان ينجەنەرلىك ءبىلىم بەرۋ قاۋىمداستىعى (KazSEE) وسى ۇيىمنىڭ تولىق مۇشەسى رەتىندە قابىلداندى.

2016 -جىلى استانادا راقىمجان قوشقاربايەۆقا ارنالعان ەسكەرتكىشتىڭ رەسمي اشىلۋ سالتاناتى بولدى. 11 مەترلىك مونۋمەنت ب. مومىش ۇلى جانە ر. قوشقاربايەۆ داڭعىلدارىنىڭ قيىلىسىندا ورنالاسقان. مۇسىندىك كومپوزيتسيانىڭ بيىكتىگى 6 مەتردى قۇرايدى. ەسكەرتكىش اۆتورى - بەلگىلى ءمۇسىنشى اسقار نارتوۆ.

2016 -جىلى قازاقستان د س ۇ مەملەكەتتىك ساتىپ الۋلار جونىندەگى بايقاۋشىسى ستاتۋسىن الدى. قازاقستان رەسپۋبليكاسىنىڭ بۇل ستاتۋستى الۋعا رەسمي ءوتىنىمى د س ۇ- نىڭ شۆەيتساريانىڭ جەنيەۆا قالاسىندا وتكەن مەملەكەتتىك ساتىپ الۋلار بويىنشا كوميتەتىنىڭ كەزەكتى وتىرىسىندا ءبىراۋىزدان داۋىس بەرۋ كەزىندە ماقۇلدانعان.

2017 -جىلى قازاقستان پرەزيدەنتى نۇرسۇلتان نازاربايەۆتىڭ «ءومىر جولى» كىتابى ازەربايجان تىلىنە اۋدارىلدى. ول 500 دانا تارالىممەن باسىلىپ، ازەربايجان ەلشىلىكتەرى مەن وكىلدىكتەرىنە بەرىلدى. كىتاپ حالىقارالىق تۇركى اكادەمياسىنىڭ قولداۋىمەن جارىق كوردى.

2019 -جىلى تاجىكستاندا اسكەري بورىشىنا ادالدىق تانىتقان قازاقستاندىق باتالوننىڭ 17 جاۋىنگەرىنە ارنالعان ەسكەرتكىش اشىلدى.

1995 -جىلدىڭ 7 - ساۋىرىندە تاجىكستانداعى دارۆاز اۋدانىنىڭ پشيحاۆار شاتقالىندا قازاقستاندىق 7- قوسىندى روتاسىنا وپپوزيتسيالىق كۇشتەر شابۋىل جاسادى. بەس ساعاتقا سوزىلعان ۇرىس كەزىندە ىشكى اسكەر 17 جاۋىنگەرىنەن ايىرىلدى، 33 ادام جاراقاتتانعان.

اۆتور: زارينا تۋعانبايەۆا